Elita e basketbollit në SHBA, NBA zhvilloi nëntë ndeshjet e radhës në parket. Mbrëmja e shkuar ishte "magjike" për LeBron James, me veteranin e Lakers që shkoi në kuotën e 50 mijë pikëve të shënuara në karrierë.

Ylli i Lakers udhëhoqi skuadrën e tij në fitoren e shtatë radhazi dhe të 39-n këtë edicion, duke mposhtur New Orleans Pelicans me rezultatin e thellë 136-115. LeBron ishte i jashtëzakonshëm në këtë duel duke shënuar 34 pikë, tetë kërcime në tabelë dhe dhuroi gjashtë asistime. Ndeshja kundër Pelicans do të mbetet gjatë në mendjen e LeBron, pasi ai arriti shifrën e 50,000 pikëve në NBA.

Cleveland Cavaliers siguruan fitore të rëndësishme në udhëtimin e Chicagos kundër Bulls, me rezultatin 117-139. Donovan Mitchell ishte fantastik në këtë sfidë me 28 pikë, shtatë kërcime në tabelë dhe pesë asistime. Edhe Jarrent Allen shtoi 25 pikë të tjera.

Fitore në sekondat e fundit për Toronton, që mundi 114-113 Orlandon, ndeshje ku u dallua RJ Barrett me 21 pikë, ndërsa 41 pikët e Paolo Banchero mbetën për statistikë.

Skuadra e Phoenix, falë 34 pikëve të Kevin Durant mposhti 119-117 Clippers. Edhe Golden State po ngjit shkallët në renditje, duke mposhtur 114-102 New York. Stephen Curry me 28 pikë ishte lider për Warriors.

Rezultatet në NBA:

Indiana - Houston 115-102

Orlando - Toronto 113-114

Atlanta - Milwaukee 121-127

New York - Golden State 102-114

Chicago - Cleveland 117-139

Minnesota - Philadelphia 126-112

San Antonio - Brooklyn 127-113

Phoenix - LA Clippers 119-117

LA Lakers - New Orleans 136-115

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 16 Dhjetor, 19:08

    SPAK kërkon arrestimin e Ballukut, a duhet të japë autorizim Kuvendi?

Lajme të tjera