‘Mbrëmje Pranverore’, Liceu Artistik dhe Shkolla Kombëtare Koreografike koncert në nderim të pedagogëve që dhanë kontribut në shkollat artistike

‘Mbrëmje Pranverore’, Liceu Artistik dhe Shkolla Kombëtare Koreografike koncert në nderim të pedagogëve që dhanë kontribut në shkollat artistike

Më 15 mars ora 19.00, në Teatrin e Operas dhe Baletit do të zhvillohet koncerti "Mbrëmje Pranverore", i organizuar nga Liceu Artistik "Jordan Misja" dhe "Shkolla Kombëtare Koreografike". Mbas disa dekadash, me mbështetjen e "Bashkisë  Tiranë", dy shkollat artistike kryesore të Shqipërisë, risjellin frymën e bashkëpunimit artistik, duke frymëzuar dhe  motivuar brezat e rinj me anë të praktikës artistike në skenë. Mbi 200 nxënës dhe mësues janë të angazhuar në një repertor të muzikës serioze kombëtare dhe ndërkombëtare.

Ky koncert është edhe një homazh për brezat e kaluar të artistëve pedagogë, të cilët me pasion, punë dhe dashuri për artin, krijuan traditën shumëvjeçare të përcjelljes së dijes, që prej themelimit të këtyre shkollave.

Orkestra Simfonike dhe Kori është përbërë nga nxënësit dhe mësuesit e Liceut Artistik "Jordan Misja", me solistë Alba Metaj (violinë), Etleva Kolnikaj (piano), Edlira Novaku Gjoni (violonçel), Erjana Riza (piano), Lorian Deda (bariton) dhe Albana  Bajraktari (soprano) nën drejtimin e dirigjentëve të Liceut, Mira Sulejmani, Besa Kacinari dhe Andi Kongo.

Numrat koreografikë do të interpretohen nga nxënësit e "Shkollës Kombëtare Koreografike" me solistë Eskiejda Allka, Mirjan Llapushi, Bianka Skënderi, Graciela Sallaku, Uendi Xhixha, Floresida Hida, Ester Koni dhe Justin Deda. Koreografitë janë krijuar nga Blerina Arbana, Joli Eleni Gjovreku, nën kujdesin e drejtoreshës së "Shkollës Kombëtare Koreografike" Blerina Arbana.

Drejtimi artistik i koncertit është nën kujdesin e Etleva Kolnikaj, drejtoreshë e Liceut Artistik "Jordan Misja".

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A po jep rezultate lufta e SPAK ndaj grupeve kriminale?



×

Lajmi i fundit

Arrestohet 53-vjeçari shqiptar në Greqi, tentoi të përdhunonte punonjësen që i pastroi shtëpinë

Arrestohet 53-vjeçari shqiptar në Greqi, tentoi të përdhunonte punonjësen që i pastroi shtëpinë