POP 5

Lajmet më të lexuara të 5 minutave të fundit

Politikë

Mbretëria e Bashkuar ofron 4 miliardë paund për projekte në Shqipëri

Ambasadori britanik në Tiranë, Alastair King-Smith mori pjesë në Konferencën e organizuar në Tiranë, ku u diskutua mbi mundësitë e investimeve në sektorin e energjisë së gjelbër në Shqipëri.

Mbretëria e Bashkuar ofron 4 miliardë paund për projekte në Shqipëri

Ambasadori britanik, Alaistair King-Smith

Ambasadori britanik në Tiranë, Alastair King-Smith mori pjesë në Konferencën e organizuar në Tiranë, ku u diskutua mbi mundësitë e investimeve në sektorin e energjisë së gjelbër në Shqipëri.

Ai drejtoi një panel ekspertësh, ku i pranishëm ishte edhe David Stadtmann, nga kompania me qendër në Londër, ERG International UK, Sean Burnage, nga Departamenti britanik i Financimit të Eksporteve dhe Flonia Tashko nga Dhoma britanike e Tregtisë në Shqipëri.

Ata diskutuan mënyrat se si ekspertiza dhe investimi britanik në energjinë e ripërtëritshme mund të sjellë përfitime për Shqipërinë, Mbretërinë e Bashkuar dhe të gjithë botën.

Mbretëria e Bashkuar ka ofruar 4 miliardë paund për projekte në shkallë të mesme e të madhe në Shqipëri, në bashkëpunim me Ministrinë e Financës, Ministrinë e Energjisë dhe Infrastrukturës dhe bashkitë në të gjithë vendin.

Të pranishëm në këtë konferencë ishte the Dhoma Britanike e Tregtisë në Shqipëri, BCCA, e cila u prezantua nga Sekretari i Jashtëm në tetor të vitit 2023 për të bashkuar bizneset në Shqipëri dhe Mbretërinë e Bashkuar, që të përfitojnë sa më shumë nga potenciali i jashtëzakonshëm për tregti dhe investime mes dy vendeve dhe të zhvendosin fokusin e biznesit vendas dhe ndërkombëtar në veri të Shqipërisë.

Lidhjet tregtare janë dyfishuar vitin e kaluar dhe turistët e Mbretërisë së Bashkuar në Shqipëri janë rritur me 30% në janar 2024, krahasuar me janarin 2023, duke i hapur rrugë parashikimeve për një turizëm në nivele rekord këtë vit./ atsh

G.K/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Meta kopjon strategjitë e Ramës: Budalla e dini ju atë, po të ishte s’do rrinte 12 vite në pushtet

Meta kopjon strategjitë e Ramës: Budalla e dini ju atë, po të ishte s’do rrinte 12 vite në pushtet

27 Prill, 11:50