Kombëtarja shqiptare e futbollit luan me Poloninë në 27 mars, ndeshje e vlefshme për eliminatoret e Europianit 2024 në grupin E. Përballja e Varshavës do jetë e para për trajnerin Sylvinho në krye të kuqezinjve.
Braziliani tanimë ka konfirmuar ftesën për Seferin, teksa edhe mbrojtësi i Partizanit Andi Hadroj ka marrë një telefonatë për të qenë pjesë e kuqezinjve. 24-vjeçari nga Puka vijon të jetë pjesë e kuqezinjve, tanimë jo më për miqësore. Mbrojtësi i djathtë ka qenë pjesë e Shqipërisë në tre takime, teksa debutoi tetorin e 2022 në kohën e Edy Rejas. Forma e mirë me Partizanin ka bërë që Hadroj të vijojë të ndiqet nga stafi kuqezi. Ftesa për të tanimë mund të quhet e konfirmuar.
Emri i ri që pritet të jetë risia e Sylvinhos është Anis Mehmeti. 22-vjeçari i lindur në Londër kaloi në janar te Bristol City në Championshipin anglez, duke bërë paraqitje të shkëlqyera. Me tre ndeshje te U-21, fantazisti pritet të jetë basti i Sylvinhos.
![](https://shqiptarja.com/template/img/NO_ALFA_Kuadrate shqiptarja.png)
Hadroj dhe Mehmeti
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)