POP 5

Lajmet më të lexuara të 5 minutave të fundit

Politikë

Mbyllet komisioni i dekrimianlizimit
PD-PS 'OK' amendimeve kushtetuese
PDF/ Ja amendamentet Kushtetuese

Mazhoranca dhe opozita pritet të votojnë unanimisht të enjten në parlament ligjin për dekriminalizimin, bashkë me amendamentet kushtetuese që vënë në zbatim këtë ligj. Në mbledhjen e fundit të komisionit të posaçëm parlamentar, palët janë dakordësuar për të shkuar me një draft të përbashkët në seancë. Një pike e ligjit ku palët ndahen është testi i drogës, por që nuk do të jetë pengesë për miratimin final të këtij projekti.
Mbyllet komisioni i dekrimianlizimit<br />PD-PS 'OK' amendimeve kushtetuese<br />PDF/ Ja amendamentet Kushtetuese
TIRANË - Komisioni i cili riktheu një vit më parë në parlament opozitën pas 6 muajsh bojkot, e ka përmbyllur misionin e tij. Komisioni i Posaçëm për "Zbatimin e problematikes në rezolutën për marrëveshjen midis mazhorances qeverisëse dhe opozitës në Kuvendin e Shqipërisë” ose i njohur ndryshe si komisioni i dekriminalizimit, zhvilloi mbledhjen e fundit.

Në seancën e së enjtes finalizohet me votë ligji i dekriminalizimit bashkë me amendamentet kushtetuese, projekt ky që përfundimisht ka marrë dakordësinë e të gjitha palëve politike.

Në mbledhjen e fundit të tij, komisioni i dekriminalizmit ka miratuar amendimet kushtetuese që vënë në zbatim këtë ligj. Kryetari i komisionit Oerd Bylykbashi detajoi katër amendamentet kushteteuse ndërsa veçoi faktin se në këtë proces do të riformulohet edhe kompetenca e Gjykatës Kushtetuese. 

"Kjo paketë ndryshimesh kushtetuese e cila autorizon zbatimin e ligjit sapo të miratohet do të hyjë në fuqi nga parlamenti i Shqipërisë. Garanton që sot të gjithë ata që janë në detyrë do të humbasin mandatin e përsëris dhe në të ardhmen kushdo që ka një vepër penale sipas parashikimit të ligjit nuk do të ketë mundësi të zgjidhet apo të emërohet në një funksion publik," tha Bylykbashi.

E vetmja pikë që palët ndahen në qëndrime është testi i drogës, të cilit demokratët i qëndrojnë. Ndryshimet parashikojnë ndërprerje të menjëhershme të mandatit të çdo zyrtari që pas verifikimeve rezulton të mos jetë i pastër sa i përket të shkuarës së tij.

Nënkryetari Taulant Balla tha se amendamentet kushtetuese janë rruga që do të bëjë të mundur implementimin totalisht të ligjit të dekriminalizimit. "Na bëjnë të mundur hapjen e çelësave për ndryshimet, për hyrjen në fuqi të ligjit. Kështu që edhe në aspektin procedurial jemi në respektim të plotë të kushtetutës dhe rregullorës së kuvendit, brenda afateve," u shpreh Balla.

Kështu përballë protestës së thirrur nga opozita të enjten para parlamentit, në sallë demokratët do të jenë aty për të votuar unanimisht këtë projekt, për të cilin është diskutuar për një vit rresht, sipas marrëveshjes së 24 dhjetorit të viti të shkuar.
 

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Spahiu: Qeveria teknike e 2017 kishte 10 ministra nga PD por humbi 10 herë më thellë

Spahiu: Qeveria teknike e 2017 kishte 10 ministra nga PD por humbi 10 herë më thellë

23 Dhjetor, 23:01