POP 5

Lajmet më të lexuara të 5 minutave të fundit

Kronikë

Mbytja e 2 plazhistëve, kallëzohet
kryekomunari i Shëngjinit, Kaçaj

Mbytja e dy personave një javë më parë në Plazhin e Shëngjinit, ka sjellë proçedim penal për kreun e Komunës Shëngjin Salvador Kaçaj i akuzuar për shpërdorim detyre. Reagon Kaçaj: Nuk kam përgjithësi ligjore për ngjarjet e ndodhura, detyrë e Agjensisë së Bregdetit VIDEO
LEZHE - Mbytja e dy personave një javë më parë në Plazhin e Shëngjinit, ka sjellë proçedim penal për kreun e Komunës Shëngjin Salvador Kaçaj i akuzuar për shpërdorim detyre. Sipas policisë Lezhë nga ana e Komunës Shëngjin nuk janë marrë masat e duhura sa i përket sigurisë së pushuesve gjatë sezonin turistik të këtij viti.

Kështu referuar dy ngjarjeve të fundit policia ka nisur hetimet ndaj Kryekomunarit Kaçaj, pasi ky i fundit nuk ka zbatur vendimin e Këshillit të Ministrave për sigurinë në plazh që sipas kësaj të fundit, është detyrë e pushtetit vendor.

Ndërkohë ka reaguar kryekomunari i Shëngjinit Kaçaj, i cili shprehe tse nuk ka dijeni për kallëzimin penal ndërsa shprehet se siguria e pushuesve është detyrë e Agjensisë së Bregdetit. Kaçaj akuzon se kallëzimi penal ndaj tij është bërë për të prishur imazhin e Shëngjinit, kur ndodhemi në kulmin e sezonit turistik. 

"Unë nuk jam njoftuar për këtë proçedim penal të nisur ndaj meje dhe nuk jam në dijeni, kjo po përdoret nga policia për ti dëmtuar imazhin Shëngjinit në kulmin e sezonit turistik.E ka për detyre Agjensia e bregdetit që të sjellë vulnetarët dhe kullat e vrojtimit siç ka vepruar me plazhet e jugut.Kjo agjensi nuk ka ardhur për të bëshkëpunuar me Komunës e Shëngjinit për të ngritur grupin e vullnetarëve, edhe pse komuna e ka kërkuar disa herë.Ne me aq mundësi sa kemi si Komunë kemi monitoruar gjithë bregdetin me Policinë Komunare por në këtë sezon turistik ka patur një dyyndje të pushuesve drejt këtij bregdeti dhe është dashur ndihma e qeverisë për të ngritur kullat e vrojtimit por kjo nuk ka ardhur. Unë nuk kam përgjithësi ligjore për ngjarjet e ndodhura dhe besoj drejtësia do të thotë të vërtetën" tha Kaçaj

Dhjetë ditë më parë një fëmijë 8-vjeç nga Kosova u mbyt në det në plazhin e Shëngjinit, teksa i shpëtoi vëmendjes së prindërve. Një ngjarje tjetër ndodhi në këtë plazh vetëm tre ditë më vonë ku një 50-vjeçar po nga Kosova u mbyt në ujërat e Shëngjinit teksa kishte ardhur me famlje me pushime në këtë zonë.

Redaksia Online
(e.c/shqiptarja.com)

/Shqiptarja.com
  • Sondazhi i ditës: 24 Janar, 09:42

    Sa i drejtë do të jetë procesi i primareve në PD?

Lajme të tjera



×

Lajmi i fundit

Shpalli non-grata 14 persona, mes tyre dy shqiptarë, 320 organizata jo qeveritare dënojnë veprimin e Serbisë

Shpalli non-grata 14 persona, mes tyre dy shqiptarë, 320 organizata jo qeveritare dënojnë veprimin e Serbisë

24 Janar, 15:37