Transportoi 12 emigrantë me gomone nga Franca drejt Anglisë, dënohet me 4 vite burg shqiptari

27-vjeçari Floreand Lika, nga Temple Street, Portsmouth në Britani, u dënua me katër vjet e katër muaj burg.

Mediat angleze raportojnë se i riu shqiptar është shpallur fajtor pasi u akuzua se ka ndihmuar në kontrabandimin e emigrantëve të paligjshëm në Britaninë e Madhe.

Gjykata vendosi se ai ishte përgjegjës për organizimin e udhëtimit të me gomone të 12 emigrantëve të paligjshëm, mes tyre dhe shqiptarë, të cilët niseshin nga Franca për në Mbretërin e Bashkuar dhe do të hynin në vend në mënyrë ilegale.

Lika u deklarua fajtor për komplot për të bërë një veprim për të lehtësuar kryerjen e një shkeljeje të ligjit të imigracionit në Mbretërinë e Bashkuar nga një person jo i BE-së, në kundërshtim me Aktin e Emigracionit.

Ai dha vendimin e tij në një seancë në Gjykatën e Portsmouth Crown më 15 qershor, pasi u arrestua një ditë më parë nga oficerët e SEROCU.

Tre persona të tjerë nga Isle of Wight që bashkëpunuan me  Likën, Stephen Redhead, Christopher Barber dhe Jean Pierre Labelle u dënuan po ashtu.

"Njerëzit që bëjnë kalime të rrezikshme për të hyrë në Mbretërinë e Bashkuar, luajnë një rrezik me jetën e tyre dhe ata që lehtësojnë këtë vepër duhet të sillen me të drejtë përpara një gjykate. Hetimi ynë zbuloi përfshirjen e Likës në atë që ishte krim i organizuar ndërkombëtar në një shkallë të gjerë, kështu që ne vazhduam përpjekjet tona për ta gjurmuar atë, duke punuar ngushtë në partneritet me partnerë të tjerë të zbatimit të ligjit. Provat me të cilat përballej Lika ishin aq të forta sa ai u deklarua fajtor, duke pranuar rolin e tij në këtë rrjet të kontrabandës me njerëz. Oficerët e SEROCU vazhdojnë të punojnë për të trajtuar kërcënimin që paraqet krimi i organizuar në juglindje dhe më gjerë.", tha oficeri që ka marrë pjesë në hetimet e kësaj çështjeje.

 

S.C/Shqiptarja.com

TAG:
• emigrante te paligjshem
• Floreand Lika
• angli