POP 5

Lajmet më të lexuara të 5 minutave të fundit

Me Izraelin 'jetë a vdekje', Reja provon skema dhe lojtarë të rinj! Mungesat e Gjimshitit dhe Kumbullës, Veseli: Na intereson grupi

Me qëllim për të fituar me patjetër kundër Izrealit sulmuesi i kombëtares Sokol Cikalleshi zbulon se trajneri Reja po provon skema dhe lojtarë të rinj. Ndërkohë Frederik Veseli thotë se nëse kombëtarja luan në grup do ta ketë të lehtë për të kompensuar dëmtimet e Gjimshitit dhe Kumbullës.

Për Shqipërinë të shtunën në transfertën e Izrealit do jetë për ‘jetë a vdekje’, pasi çdo rezultat tjetër i heq mundësinë kuqezinjve për të kapur vendin e parë në grupin e Ligën e Kombeve. Trajneri Reja është ende i shqetësuar pasi dëmtimi i Uzunit nuk e lë të qetë, ndërsa Sokol Cikalleshi ka zbuluar se italiani po provon lojtarë dhe skema të reja për këtë ndeshje.

“Është një ndeshje që kemi përballë një kundërshtarë të vështirë. Jemi në një grup më të vështirë se ç’e kemi patur ndonjëherë. Është një ndeshje që duhet të bëjmë më të mirën në aspektin taktik, duke mos pësuar gol dhe pastaj me aftësitë që kemi të arrijmë të shënojmë. Për rrjedhojë të marrim 3 pikët se vetëm ky është opsioni në këtë ndeshje,”-u shpreh Sokol Cikalleshi, futbollist i Kombëtares.

Mbrojtësi Frederik Veseli me shumë mundësi do nisë titullarë për të zëvendësuar Gjimshitin dhe Kumbullën të dëmtuar, ndërsa sipas tij nëse luajnë në grup kuqezinjtë nuk do kenë probleme në prapavijë.

“Ne nuk i japim shumë rëndësi lojtarit individual por grupit. Unë besoj personalisht që secili lojtar duhet të marrë përgjegjësi individualisht dhe pastaj të japë maksimumin në grup për të bërë një mbrojtje të mirë,”-deklaroi Frederik Veseli, futbollist i kombëtares.

Pas sfidës me Izrealin, 3 ditë më pas më 27 shtator, kombëtarja do luajë kundër Islandës në ‘Air Albania’. Këto janë dy ndeshjet e fundit në Ligën e Kombeve ku Shqipëria renditet e tretë me 1 pikë, 4 më pak se Izreali kryesues.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Veliaj pret sekretarin e Përgjithshëm të PostEurop: Tirana, qendër aktivitetesh të mëdha në 2025

Veliaj pret sekretarin e Përgjithshëm të PostEurop: Tirana, qendër aktivitetesh të mëdha në 2025

30 Janar, 08:20