Me kompjuterë dhe tavolina pokeri në lokale, procedohen penalisht 7 persona, mes tyre një grua

Edhe pse që më 1 janar në Shqipëri është e paligjshme që të ushtrosh aktivitetin e basteve sportive, gjatë kontrolleve në 24 orët e fundit policia ka evidentuar 4 raste në Korçë, Tropojë, Berat dhe Sarandë, për të cilat janë proceduar penalisht 7 persona. 

Ajo që bie në sy është se përveç pronarëve të subjekteve ku ende lejohen lojrat e fatit, janë proceduar edhe disa persona që janë kapur duke luajtur. 

Në Korçë janë proceduar 4 persona: Dritan Pino, 48 vjeç, pronari i lokalit dhe Adrian Pino, 51 vjeç, Edmond Selimllari, 43 vjeç dhe Gentian Alushi, 41 vjeç, të cilët u kapën duke luajtur.

LEXO EDHE:
Aksident i rëndë në Korçë, makina zë poshtë të riun që po lëvizte me skuter (VIDEO)

Në Tropojë u procedua penalisht A.H., 36 vjeç, pasi në lokalin e tij u gjet një pajisje elektronike. Në Sarandë, L.Sh., 50 vjeçe pasi nga kontrolli i ushtruar në ambientet e lokalit të saj, u gjetën 5 kompjutera. Ndërsa në Berat u procedua penalisht A.H., 32 vjeç, pasi në lokalin e tij u gjet një tavolinë pokeri.

Ligji për mbylljen mesnatën e 31 dhjetorit 2018, në të gjithë territorin e Shqipërisë, kazinotë elektronike, bastet sportive, sallat e bingove, bastet on line, bastet me gara në pistë, u miratua nga Parlamenti në fund të muajit tetor të vitit të kaluar.  Për më shumë detaje (LEXO KËTU) 

NJOFTIMI I POLICISË: 

Policia e Shtetit vijon operacionet në të gjithë vendin në zbatim të planit të masave që po merren për evidentimin dhe ndëshkimin e atyre personave që vijojnë të ushtrojnë aktivitetin e kundërligjshëm të lojërave të fatit. 

Gjatë 24 orëve të fundit janë evidentuar 4 raste dhe konkretisht në Korçë, në Tropojë, në Berat dhe në Sarandë. 

Ndërkohë 7 shtetas janë proceduar penalisht për veprat penale “Organizimi i lotarive të palejuara” dhe “Vënia në dispozicion e lokaleve për lojëra të palejuara", si dhe janë sekuestruar në cilësinë e provës materiale 3 tavolina të përshtatura për lojëra fati, 5 njësi kompjuterike me 5 monitorë, pajisje elektronike, një tavolinë pokeri etj. të cilat përdoreshin për organizimin e lotarive të palejuara.

Në Korçë 4 shtetas janë proceduar, konkretisht shtetasit: D.P, 48 vjeç, (pronari) i lokalit, si edhe shtetasit: A.P., 51 vjeç, E.S., 43 vjeç, G.A., 41 vjeç, banues në Korçë, pasi gjatë kontrollit të ushtruar në lokal në lagjen Nr. 16, të qytetit të Korçës, shtetasit e mësipërm u konstatuan duke luajtur lojëra fati.

Në Tropojë u procedua penalisht shtetasi A.H., 36 vjeç, pasi në lokalin e tij u konstatua një pajisje elektronike.

Në Sarandë është proceduar penalisht shtetasja L.Sh., 50 vjeçe pasi nga kontrolli i ushtruar në ambientet e lokalit të saj, janë gjetur 5 njësi kompjuterike me monitorë, të cilat dyshohet se përdoreshin për organizimin e lotarive të palejuara.

Në Berat u procedua penalisht shtetasi A.H., 32 vjeç, pasi në subjektin e tij u konstatua tavolinë pokeri.

Kontrollet kundër aktivitetit të lojërave të fatit do të vijojnë në gjithë vendin deri në ndëshkimin me ashpërsi të subjektit të fundit që ushtron këtë aktivitet anti-ligjor. 

Policia e Shtetit fton këdo të denoncojë falas në numrin 112 ose përmes aplikacionit 'Komisariati Dixhital', çdo veprimtari të tillë të kundërligjshme.

TAG:
• Korce
• Berat
• sarande
• tropoje
• lojrat e fatit

Sondazhi i ditës:

Si ka qenë për ju viti 2024?

• I mirë

  44%

• I keq

  22.8%

• As i mirë as i keq

  33.2%

Vota total: 1490

Votat totale janë unike

• Sondazhi i ditës:

  Si ka qenë për ju viti 2024?

  I mirë I keq As i mirë as i keq