Kryeministri Edi Rama me një video të Anxhit, vajzës e cila promovon Shqipërinë përmes vlogut të saj, ka shprehur admirimin për të rinjtë që çojnë bukuritë e natyrës tonë në çdo ekran kompjuteri.
Përmes rrjetit të tij social Facebook, kryeministri ka zgjedhur të publikojë një video në të cilën vajza e re tregon për shikuesit momente nga eksplorimi i saj në Thethin e malësisë sonë të bukur.
“Aty ku rrjedhë Lumi i Shalës dhe je i rrethuar komplet nga malet në një vend ku ka shumë histori pasi po flasim për kulën e ngujimit, kishën, syrin e kaltër dhe ujëvarat. Një vend ku mund të shijosh edhe aktivitetet sportive edhe natyrën. Këtë kam zgjedhur për të vizituar Thethin!”, shprehet Anxhi në video.
![](https://shqiptarja.com/template/img/NO_ALFA_Kuadrate shqiptarja.png)
Rama mes rreshtave shoqëruese të videos shkruan se çdokush që bën të tijën për promovimin e Shqipërisë ka një vend në këtë hapësirë, me shumë respekt.
‘Bravo”, shkruan ai.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)