TIRANE-Një ditë më parë një 60-vjeçar u arrestua nga policia në Golem pas denoncimit të një vajze 13-vjeçe, e cila e denoncoi dhe akuzoi për ngacmim seksual. Sot Report Tv zbardh dëshminë që vajza, por edhe i arrestuari, të dy nga Tirana kanë dhënë para grupit hetimor.

Gazetari i Report Tv në Durrës, Artur Korriku mëson se vajza ka deklaruar se ka qenë me pushime me familjen në Golem dhe në momentin që po luante me qenin e 60-vjeçarit, ky i fundit, sipas saj, e ka ngacmuar duke e prekur në vendet intime.

I moshuari, që gjithashtu ishte me pushime në Golem e ka mohuar duke u shprehur se nuk e ka ngacmuar dhe as nuk e ka prekur vajzën. Zona ku vajza pretendon se e ka ngacmuar 60-vjeçari nuk ka kamera sigurie.