POP 5

Lajmet më të lexuara të 5 minutave të fundit

Kronikë

‘Më rrahu me bisht fshese’, burri që kërkoi urdhër mbrojtjeje nga gruaja e tij! Më herët kishte bërë burg se kishte rrahur bashkëshorten

51-vjeçari ka shtatë vite i divorcuar nga bashkëshortja, por sherret nuk i ndahen. Mbas ndarjes në gjykatë, radha u ka ardhur ndarjes së pasurive mes tyre dhe kaq mjaftoi që ish-çifti të rikthehej në pozita “lufte”. Aq në konflikt janë të dy grua e burrë, saqë ky i fundit për të provuar që e kishte rrahur ish-bashkëshortja ka ngritur pantallonat lart dhe ka treguar shenjat.

‘Më rrahu me bisht fshese’, burri që kërkoi urdhër mbrojtjeje nga gruaja e tij! Më herët kishte bërë burg se kishte rrahur bashkëshorten

Foto ilustruese

TIRANË-Shtetasi L. V. është 51 vjeç. Ai ka shtatë vite i divorcuar nga bashkëshortja, por sherret nuk i ndahen. Mbas ndarjes në gjykatë, radha u ka ardhur ndarjes së pasurive mes tyre dhe kaq mjaftoi që ish-çifti të rikthehej në pozita “lufte”. Aq në konflikt janë të dy grua e burrë, saqë ky i fundit për të provuar që e kishte rrahur ish-bashkëshortja ka ngritur pantallonat lart dhe ka treguar shenjat.

“I shikoni, janë shenjat e fshesës. Ajo mori shkopin dhe pa hezitim më qëlloi sepse donte të më nxirrte nga dyqani” deklaron në kallëzim shtetasi L.V. Policia shton për Gazetën “Si” se disponon dokumentet që vërtetojnë qëndrimin e ankuesit. Mes letrave është edhe vërtetimi se palët, ditën e rrahjes, ishin thirrur në gjykatë për procesin civil nga ku duhet të ndahej pasuria mes të dyve.

L.V shpjegon se atë ditë ish-bashkëshortja nuk ishte paraqitur në seancë. “Menjëherë pas kësaj mungese vendosa të shkoj në punën e ish-gruas, në rrugën “Petro Nini Luarasi”, ku ajo ka një dyqan“, thotë burri i keqtrajtuar sipas dosjes që posedon Gazeta “Si”.

“Në momentin që kam hyrë në dyqan, ish-bashkëshortja ka marrë një bisht fshese dhe filloi të më godasë me të nga këmbët ku kam aktualisht shenjat”, ankohet 51-vjeçari që nuk ka hezituar të kërkojë urdhër mbrojtjeje. Policia i shpjegoi Gazetës ”Si” se çifti është i njohur në drejtorinë vendore të Tiranës, pasi më herët për dhunë ndaj saj ka kallëzuar edhe ish-gruaja.

“Është e vërtetë. Gruaja e ka shfrytëzuar mërzinë time dhe më ka denoncuar për dhunë më herët. Për dhunë kam bërë dhe burgun”, mbyll kallëzimin 51-vjeçari, i cili ndërkohë ka kërkuar sipas policisë një urdhër mbrojtjeje derisa gjyqi civil për pronat të përfundojë.

I.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Kushtetuesja tha

Kushtetuesja tha "garantohet vota parapëlqyese në 2/3 e listës", shifrat e sondazhit: Mbi 80% e ligjvënësve zgjidhen nga krerët e partive

26 Dhjetor, 20:40 nga Kujtim Topuzi