POP 5

Lajmet më të lexuara të 5 minutave të fundit

Kronikë

Me shpejtësi skëterrë, deri në 202 km/h në Peqin-Elbasan! Policia Rrugore ndëshkon 'pilotët' me masa dhe zbritje pikësh: Familja ju pret në shtëpi!

Njësia Operacionale e Drejtorisë së Policisë Rrugore njofton se ka ndaluar dhe ndëshkuar drejtuesit e mjeteve me masa maksimale dhe zbritje deri në 8 pikë nga Leja e Drejtimit. Nën moton ‘Shpejtësia vret jetën!’, evidentohen dy nga rastet e proceduara, me 198 km/h deri në 202 km/h, në aksin rrugor Peqin-Elbasan

Me shpejtësi skëterrë, deri në 202 km/h në Peqin-Elbasan! Policia Rrugore ndëshkon 'pilotët' me masa dhe zbritje pikësh: Familja ju pret në shtëpi!

Një nga rastet e evidentuara dhe proceduara nga Policia Rrugore

Njësia Operacionale e Drejtorisë së Policisë Rrugore njoftoi sot (27 Dhjetor) se ka ndaluar dhe ndëshkuar drejtuesit e mjeteve me masa maksimale dhe zbritje deri në 8 pikë nga Leja e Drejtimit.

Nën moton ‘Shpejtësia vret jetën!’, vihet në dukje se në dy nga rastet e proceduara është diktuar shpejtësi 198 km/h deri në 202 km/h në aksin rrugor Peqin-Elbasan, ku shpejtësia e lejuar është 80 km/h dhe gjithashtu trafiku është ende shumë i lartë.

Policia Rrugore apelon dhe njëherë për të gjithë drejtuesit e mjeteve, për zbatim me rigorozitet të rregullave të qarkullimit rrugor.

“Shpejtësi që rrezikojnë seriozisht jetën e përdoruesve të rrugës. Stop shpejtësisë fluturuese para se aksidenti t’ju ndalojë juve. Qarkullojmë më ngadalë për të jetuar më gjatë. Drejto automjetin duke respektuar rregullat e qarkullimit rrugor – familja po të pret në shtëpi”, thuhet në reagimin e Rrugores dhe paralajmërimin për shoferët.

Në fund theksohet se ‘të gjitha akset rrugore nacionale dhe qendrat urbane, monitorohen me mjete inteligjente nga Njësia Operacionale e Drejtorisë së Policisë Rrugore dhe Policia Rrugore vendore në çdo qark’.

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • O njesh: 28/12/2024 10:56

    Po keta nuk jane per ulje pikesh, keta Jane tua hedhesh patenten ne det e ta shohin pas 5 vitesh

    Përgjigju
  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

'Nënën e kam nga Prishtina', Arda Turan zbulon rrënjët shqiptare

'Nënën e kam nga Prishtina', Arda Turan zbulon rrënjët shqiptare

28 Dhjetor, 13:51