Në të gjithë botën numri total i viktimave nga koronavirusi ka tejkaluar 1 milion e 6 mijë kurse numri i përgjithshëm i të infektuarve nga Covid ka arritur në 33 milionë e 579 mijë.
Në bilancin e pandemisë SHBA kryeson përsa i përket rasteve të infeksionit dhe vdekjeve, me më shumë se 7 milionë e 362 mijë të prekur dhe rreth 210 mijë vdekje, e ndjekur nga India, Brazili dhe Rusia.
Francë, Parisi afër "alarmit maksimal"
Situata epidemiologjike në Paris po përkeqësohet dita ditës dhe shifrat e kryeqytetit po e çojnë atë drejt ‘alarmit maksimal’
Ministria e Shëndetësisë ka siguruar se ende nuk është vendosur asgjë në drejtim të shtrëngimit të masave por kufizimet janë shtrirë vetëm në drejtim të reduktimit të shërbimit në bare dhe restorante, numrit të kufizuar të njerëzve në palestra dhe ngjarjet publike
Deri më tani, në Ile-de-France (rajoni i kryeqytetit) incidenca është 156.8 raste për 100,000 banorë, një nivel që shkon në 254 / 100,000 vetëm për qytetin e Parisit, i barabartë me dy herë e gjysmë mbi mesataren e vendit.
Në Francë sot gjatë 24 orëve të fundit 4070 të identifikuar pozitiv dhe 81 viktima.
Sipas të dhënave të Ëorldometers në Francë numri i përgjithshëm i të prekurve nga infeksioni që prej fillimit të emergjencës shëndetësore është rritur në 542,639 kurse totali i viktimave është 31,808
Spanja ka regjistruar 59 viktima dhe 2425 raste të reja të identifikuar me Covid.
Sipas autoriteteve spanjolle, numri i përgjithshëm i të prekurve nga koronavirusi është rritur në 748,266 për një total viktimash prej 31,411.
Britania e Madhe regjistroi më shumë se 4000 raste të reja infeksioni, saktësisht 4044 të identifikuar të prekur nga Covid dhe 13 vdekje.
Sipas autoriteteve, që prej fillimit të emergjencës shëndetësore në vend ka patur 439 013 të prekur nga koronavirusi dhe 42 001 viktima.
Gjermania raportoi 1148 të prekur nga koronavirusi dhe 5 vdekje.
Sipas të dhënave nga Worldometers, totali i pozitivëve në vend është 287,786 kurse numri i përgjithshëm i atyre që kanë humbur jetën ka shkuar në 9539
"Bota ka arritur një moment historik shqetësues, humbjen e një milion jetëve nga koronavirusi. Eshtë një numër tronditës, por asnjëherë nuk duhet ta harrojmë çdo jetë të vetme. Ata ishin baballarë dhe nëna, gra dhe burra, vëllezër dhe motra, miq dhe kolegë ". Kjo u deklarua nga sekretari i përgjithshëm i OKB, Antonio Guterres, duke nënvizuar se" dhimbja u shumëfishua nga egërsia e kësaj sëmundjeje. "Megjithatë, ne mund ta fitojmë këtë sfidë, por duhet të mësojmë nga gabimet".
Sekretari i Përgjithshëm theksoi gjithashtu se në këtë situatë janë të rëndësisëm shkenca dhe lidershimi dhe se dezinformimi vret
"Gara e vaksinave vazhdon" por ne duhet "të bëjmë pjesën tonë për të shpëtuar jetë. Ne kurrë nuk duhet të harrojmë se e ardhmja jonë bazohet në solidaritet, si njerëz të bashkuar dhe si Kombet e Bashkuara ".
Infeksionet e reja nga Covid në Britaninë e Madhe janë rritur me 7143 raste të reja duke shënuar kulmin e katër muajve të fundit pas dy ditësh ngadalësimi.
Në 24 orët e fundit ka patur edhe 71 vdekje, shifra më e lartë që para stinës së verës.
Ka gjithashtu një rritje të mprehtë të totalit të shtrimeve në spital, i cili tejkaloi 2 mijë, ndërsa ka 297 pacientë ndodhen në kujdes intensiv. Në vend totali i të prekurve nga koronavirusi është 446 156 kurse numri i përgjithshëm i vdekjeve është rritur në 42072.
Gjermania ka patur sot 747 raste të reja dhe 4 viktima. Totali i vdekjeve në vend është 9549 kurse numri i përgjithshëm i të prekurve është rritur në 289365
Gjermania është e vendosur të kufizojë numrin e personave që mund të marrin pjesë në ngjarje të organizuara në mjedise të brendshme publike ose me qira në 50 persona, ndërkohë që vazhdojnë të rriten rastet e COVID-19, sipas burimeve në një takim të zhvilluar sot mes kancelares Angela Merkel dhe përfaqësuesve të shtetit.
“Kufizimi do të zbatohet në rastet kur infeksionet e reja rriten më shumë se 35 për 100 000 banorë në një zonë të veçantë dhe në mënyrë të qartë përjashton pronën private”, thanë burimet.
“Në vend të kësaj, do të lëshohet një rekomandim në lidhje me shtëpitë private, duke kërkuar një limit prej 25 personash”, shtuan ato.
Do të ketë përjashtime për ngjarjet e regjistruara paraprakisht, që përdorin masat higjienike të miratuara nga organet e Shëndetit Publik.
Rusia regjistroi sot 8232 raste të reja infeksioni dhe 160 vdekje. Sipas autoriteteve, totali i të prekurve nga koronavirusi është 1,167,805 kurse numri i përgjithshëm i vdekjeve është rritur në 20,545.
Sipas të dhënave nga Ministria e Shëndetësisë Italiane, gjatë 24 orëve të fundit në vend janë regjistruar 24 viktima nga koronavirusi (dje ishin 16)
Totali i vdekjeve që nga fillimi i emergjencës shëndetësore është rritur në 35,875
Gjithashtu autoritetet e shëndetësisë raportuan se sot u regjistruan edhe 1648 raste të reja pozitiv,(dje ishin 1494) për një total prej 313,011 të prekurish nga Covid prej fillimit të pandemisë
Numri i pacientëve të shëruar sot ishte 1316, për një total prej 226,506 raste
Në Rajonin e Lombardisë gjatë 24 orëve të fundit u raportua për 3 viktima dhe 203 raste të reja pozitive.
Lajme të tjera
-
Zgjedhjet presidenciale në SHBA, nata e gjatë e zgjedhjeve të 5 nëntorit! Ja çfarë do të ndodhë orë pas ore
4 Nëntor, 19:15 -
Përse Wisconsin është thelbësor në garën presidenciale të vitit 2024?
4 Nëntor, 18:47 -
Biden: Rizgjedhja e presidentes proevropiane në Moldavi, dëshmi e 'dështimit' të Rusisë
4 Nëntor, 18:19 -
Zgjedhjet në SHBA, Monika Lewinsky thirrje amerikanëve: Unë e hodha votën për Harris! Votoni edhe ju
4 Nëntor, 18:15 -
Harris dhe Trump përgatiten për beteja ligjore nëse nuk do të ketë fitues të qartë
4 Nëntor, 16:07 -
Zgjedhjet në Amerikë/ Harris e Trump japin mesazhet e fundit! Tre shtete në alarm për sigurinë! Qendrat e votimit me xhama antiplumb e dyer çeliku! Rrethohet Shtëpia e Bardhë e Capitol Hill
4 Nëntor, 15:47 -
Zgjedhjet në SHBA, ministrja e Jashtme e Kosovës: Nuk besojmë se do ndryshojë mbështetja ndaj nesh pavarësisht fituesit
4 Nëntor, 15:39 -
Irani e cilëson si 'destabilizues' dislokimin e bombarduesve amerikanë
4 Nëntor, 14:45 -
Francë/ Përleshje në metro, 4 të rinj plagosen me sëpatë
4 Nëntor, 14:21 -
Zgjedhjet në SHBA/ A ka Europa partner bisedimesh për Trumpin në rast krize marrëdhëniesh?
4 Nëntor, 09:18 -
Si do të ndikojë rezultati zgjedhor në politikën e Uashingtonit ndaj Iranit?
4 Nëntor, 08:59 -
Zgjedhjet në SHBA/ Çfarë do të bënin Kamala Harris dhe Donald Trump në pushtet? Një vështrim mbi politikat kryesore të fushatës
4 Nëntor, 07:54
