POP 5

Lajmet më të lexuara të 5 minutave të fundit

Drejt Punës

Speciale

Mijëra kilometra në timon, 33-vjeçarja Eranda Dishani, shofere autobusi në linjat ndërkombëtare: Lashë mësuesinë, kjo punë më jep adrenalinë

Në rubrikën Personazh në Report Tv vjen 33-vjeçarja, Eranda Dishani e cila ka arritur të thyejë tabunë. Prej një muaji Eranda nga Vlora drejton autobusin me pasagjerë në linjën ndërkombëtare Shqipëri-Itali.

Eranda Dishani është një vajzë nga Vlora e diplomuar për mësuesi por që punon shofere autobusi në një agjenci udhëtimesh. Pavarësisht diplomës, ajo zbuloi se pasioni i saj është në rrugë e jo në klasë, ndaj nisi eksperiencën e saj ne drejtimin e mjetit në linjat ndërkombëtare.

33-vjeçarja, Eranda Dishani ka arritur të thyejë tabunë. Prej më shumë se një muaji ajo drejton autobusin me pasagjerë në linjën ndërkombëtare Shqipëri-Itali. Erandën e takojmë në portin e Vlorës, teksa zbarkon me autobus nga trageti. Po kthehet nga një udhëtim i gjatë prej 1300 kilometrash.

Jeni e vetmja vajzë që bëni linja të gjata, a është e lodhshme?

“Fare! Më mirë të rri në timon se në sendilje. Ndihem krenare për punën time Makinën e vogël ka vite që e ngas, ndërsa më pas mora patentën për kamion dhe autobus. E ndjej veten të zonjën në këtë punë”, thotë ajo. 

Impresionet e udhëtimit me Erandën na i rrëfejnë dhe pasagjerët.

“Shumë e vëmendshme, e pashë me sy kritik dhe s’bëri asnjë gabim gjatë gjithë rrugës”, tha një pasagjer.

Por sa e ka ndjerë ajo paragjykimin, kur dihet se në drejtim të autobusëve zakonisht janë burrat.

Si e kanë pritur prindërit tuaj?

“ Ata janë krenarë, por nuk duan ta ushtroj këtë profesion, se kanë merak, ngaqë është rrugë e gjatë.

A ndiheni e paragjykuar?

“ Jo më pritën shumë mirë!

Eranda Dishani na tregon se është diplomuar për mësuesi, por më vonë zbuloi pasionin e saj për të drejtuar autobusë e kamionë. Ajo është ndër të rrallat vajza që transporton pasagjerë në linjat ndërkombëtare.

A ka gra të tjera në linjat ndërkombëtare?

“Jo s’ka jam e vetmja dhe jam krenare që bëj këtë punë. Puna nuk është turp! Unë kam mbaruar ciklin e ulët dhe vetëm 5 muaj punova mësuese e më pas thashë s’jam për këtë punë. Puna më e mirë për mua është kjo. Më jep adrenalinë”, tha Dishani.

33-vjeçarja nga Vlora është e dashuruar me punën e saj dhe nuk i trembet rrugëve të gjatë, udhëton tre herë në javë drejt Milanos.

K.T./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Igor: 14/01/2023 21:36

    Bravo zonje eshte kenaqesi te ndegjosh qe nji Shqipetare na e zbardhe ftyren si komb,dhe jo si disa femra Shqipetare qe shkojne ne Dubai qe te pasurohen me prostitucon ,pra e lumte familja dhe kombi te respekton xhdo kush zoti te ruajt.

    Përgjigju
    • Bregu: 15/01/2023 03:21

      Shëndet dhe suksese në punë! Kjo nuk është asgjë e re në shtetet tjera. Tashmë,kemi dhe pilote shqiptare, kudo nëpër botë! PËRPARA SHQIPËRI!

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu