‘Më thuaj çfarë shenje je, të të them çfarë vesi ke’

Askush nuk ka brenda vetes vetëm anën e tij “engjëllore”. Sigurisht që janë të pashmangshme dhe tiparet negative karakteriale, si edhe veset.
Pikërisht për këto do të na “flasin yjet”. Më thuaj çfarë shenje je, të të them çfarë vesi ke!

Dashi

Personat e kësaj shenje nuk mendohen dy herë për të blerë diçka që ju pëlqen dhe shpesh shpenzojnë më shumë seç duhet. Nëse doni të hiqni dorë nga ky “ves” bëni mirë që kartën e kreditit ta mbani sa më larg nga vetja dhe të mendoheni më gjatë para se të blini diçka.

Demi

Demat njihen për kokëfortësinë e tyre dhe mospranimin e gabimeve. Për të mos pasur këtë problem mundohuni të luani më shumë rolin e njeriut paqësor dhe ndaloni së provuari të tjerëve se e kanë gabim.

Binjakët

Personat e kësaj shenja janë gjithmonë shpirti i festës dhe kalojnë shumë kohë duke festuar apo luajtur. Duhet ta kuptoni se jeta është shumë e bukur edhe nëse ndiqni një ritëm normal dhe nuk shpenzoni më shumë energji seç duhet.

Gaforrja

Gaforret e kanë të vështirë të dalin nga zona e tyre e komfortit dhe u pëlqen të rrinë gjithë kohës mbyllur në shtëpi. Mundohuni ta ndjeni më shumë efektin e natyrës dhe do të kuptoni se dhe bota jashtë është shumë e bukur.

Luani

Luanët kanë dëshirë të shpenzojnë gjithë paratë e tyre në firma të shtrenjta. Përpara se të blini diçka superluksoze, mendoni se ka alternativa të tjera të shumta dhe mund ta merrni produktin e preferuar me çmim më të lirë.

Virgjëresha

Personat e kësaj shenje ndjekin pothuajse gjithmonë të njëjtën linjë kur vjen puna tek veshjet. Mundohuni të provoni trende të reja dhe të dilini jashtë rregullave të zakonshme.

Peshorja

Vajzat e kësaj shenje janë shumë të ‘fiksuara’ pas ‘make up-it’, sepse pëlqejnë që sytë e tyre në përgjithësi të dalin në pah. Provoni që ndonjëherë të shfaqeni pa grim, sepse dhe në këtë formë do dukeni bukur.

Akrepi

Akrepat i pëlqejnë shumë ngjyrat e forta dhe kryesisht të errëta që përshtaten dhe me karakterin e tyre misterioz. Duhet të provoni diçka tjetër dhe në këtë mënyrë as njerëzit nuk do të “tremben” nga ju.

Shigjetari

Këta persona kanë gjithmonë dëshirë për të udhëtuar në vende të ndryshme të botës dhe shpesh përhumben në mendimet e tyre aventureske. Duhet të gjeni diçka që t’ju sjellë më shumë rregullsi në jetën tuaj.

Bricjapi

Bricjapët ndonjëherë tregohen kopracë dhe blejnë vetëm gjërat bazike që ju nevojiten në jetë. Nuk është problem nëse shkoni në një dyqan, provoni dhe blini të paktën njëherë diçka me çmim të shtrenjtë.

Ujori

Këta persona nuk bëjnë asnjëherë plane dhe gjithmonë i marrin vendimet në bazë të situatës në të cilën ndodhen. Duhet të filloni të mendoni për mbajtjen e një agjende.

Peshqit

Peshqit janë persona shumë të ndjeshëm dhe gjithmonë shkaktojnë drama. Duhet të hiqni dorë nga ky ves dhe të filloni t’i shikoni gjërat ndryshe.

J.GJ./Shqiptarja.com

TAG:
• horoskopi
• tipar