Medaljet në kampionatin Ballkanik të karatesë, Arifi: Doja të artën, por krenar që u ndesha para publikut shqiptar

Katër medalje ka arritur të fitojë Shqipëria në kampionatin ballkanik të karatesë, që u zhvillua për herë të parë në Shqipëri, në kuadër të Tiranës Qyteti Europian i Sportit. Në kategorinë e të rriturve Xhino Toli fitoi të bronztën, ndërsa Orges Arifi medaljen e argjendtë.

“Hera e parë që u mbajt në Shqipëri dhe ishte një ndienjë e veçantë, sepse u ndesha para publikut vendas. Për rezultatin them se nuk mund të jem shumë i kënaqur, sepse objektivi ishte medalje e artë. Gjithsesi tani duhet të kënaqem me medaljen e argjendtë,”-u shpreh Orges Arifi, sportist i karatesë.

Për këtë aktivitet nga data 22 deri më 24 shtator erdhën në Tiranë rreth 400 sportistë nga 12 shtete të ndryshme ballkanike.

“Organizimi i kampionatit ballkanik nga federata shqiptare e karatesë ishte në mënyrë perfekte. Të gjithë shtetet e ballkanik ishin shumë të kënaqura dhe krijuan përshtypje pozitive për Tiranën dhe Shqipërinë,”-tha Orges Arifi, sportist i karatesë.

Sa i takon dy medaljeve të tjera të fituara në ballkaniadë, ishin në kategorinë e veteranëve. Kjo sepse në finale shqiptari Lirim Dedej, i cili fitoi medaljen e artë, u përball në finale me Danil Agollin, i cili mori medalje të argjendtë.

Ne.k./E.H/Shqiptarja.com

TAG:
• karate
• orges arifi
• kampionati ballkanik i karatese
• xhino toli
• Tirane