POP 5

Lajmet më të lexuara të 5 minutave të fundit

Media

Media kontribut për parandalimin e
kancerit, Ylli: Po zbulohet në fillesa

Media ka dhënë një kontribut të madh në ndërgjegjësimin për parandalimin e kancerit të gjirit. Kështu shprehet specialisti i ISHP, Alban Ylli teksa thekson se tashmë në Shqipëri kanceri po zbulohet në fillesat e tij dhe jo më në fazat e avancuara.
Media kontribut për parandalimin e<br />kancerit, Ylli: Po zbulohet në fillesa
TIRANE - Media ka dhënë një kontribut të madh në ndërgjegjësimin për parandalimin e kancerit të gjirit. Kështu shprehet specialisti i ISHP, Alban Ylli teksa thekson se tashmë në Shqipëri kanceri po zbulohet në fillesat e tij dhe jo më në fazat e avancuara. Sipas tij tani falë medias është bërë e mundur që qytetarët të kërkojnë më shumë informacion dhe drejtohen për kontrolle tek mjeku.
 
Falë medias është bërë e mundur që të merret me shumë informacion, theksoi Ylli, dhe tregues i dukshëm për këtë është grafiku i kërkimeve ne Google.

grafiku

"Pra për kaq sa të gjithë flasin gjerësisht jo vetëm nga profesionistët shëndetësor, media publike janë duke u shndërruar edhe në kampion të mbrojtjes të këtyre kauzave. Kushdo që është kurioz mund të shkojë të Google Trends dhe të verifikojë se sa popullor është bërë termi kanceri i gjirit vitet e fundit në Shqipëri. Vëmë re që para 2010 është inekzistent, pothuajse inekzistent ndërkohë që nga 2011 e deri më sot është një term për të cilin kërkohet vazhdimisht dhe ka momente pikë në Tetor. Aty ku ndodh ndërgjegjësimi si me magji fillon edhe një përmirësim i parametrave të kapjes në kohë të kancerit të gjirit. Është e domosdoshme të përmirësohet cilësia e shërbimit shëndetësor, por nga ana tjetër ka të bëjë me ndërgjegjësimin e popullatës, një fenomen se besojmë se është duke u përmirësuar vitet e fundit", theksoi Ylli.

Por po ashtu sipas Yllit tashmë Shqipëria është në fazën ku kanceri i gjirit zbulohet në fillesat e tij dhe jo më në fazën kur është bërë i dukshëm me sy.

"Para 3 vjetëve në një diskutim na është tërhequr vëmendja mbi përpjekjet që po bënim për të rritur ndërgjegjësimin për shenjat e kancerit të gjirit. Në Shqipëri ende kanceri i gjirit kapet në diametrin 2-5 centimetra. Por ka një gjë, faza e avancuar e kancerit mbi 5 centimetra është thuajse në zhdukje.  2012-2013 nuk kemi gjetur kancer që kapet mbi 5 centimetra. ¼ e tyre kapet në 0.2 centimetra. Edhe periudha që unë po e quaj primitive, është duke u tejkaluar, na ngelet të verifikojmë se çfarë po ndodh në Shqipëri mbas ndërhyrjeve të fundit", tha Ylli.
  
Mediat si faktor kryesor i informimit përmes fushatave ndërgjegjësuese  kanë bërë të mundur që njerëzit të kërkojnë gjithmonë e më shumë informacion për kancerin e gjirit si dhe t’i drejtohen mjekëve për të bërë kontrolle.

Redaksia Online
(Gre.M/Shqiptarja.com)

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Dritan HIla: Doktori që nuk harron vesin

Dritan HIla: Doktori që nuk harron vesin

5 Nëntor, 19:14 nga Dritan Hila