POP 5

Lajmet më të lexuara të 5 minutave të fundit

Media

"Media", shpallen 13 kandidaturat
për anëtarë të AMA,enigmë kryetari

Nënkryetari i Komisionit të Medias, Alfred Peza ka bërë dje publike emrat e 13 kandidatëve për anëtarë të Autoritetit të Mediave Audivizive. 
për anëtarë të AMA,enigmë kryetari">
TIRANE- Nënkryetari i Komisionit të Medias, Alfred Peza ka bërë dje publike emrat e 13 kandidatëve për anëtarë të Autoritetit të Mediave Audivizive. Kandidatët për anëtarë të AMA-s, vijnë kryesisht nga fusha e gazetarisë, ndërkohë që data e fundit për dorëzimin e kandidaturave për tre vendet vakante është caktuar 6 qershori.

Paralelisht me procesin e pranimit të kandidaturave për anëtarë të AMA-s, Komisioni i Medias është duke pranuar kandidaturat për plotësimin e vendit vakant të Kryetares së këtij institucioni Endira Bushati, të miratuar nga parlamenti.  Për deputetin demokrat Luçiano Boçi, trajtimi i kandidaturave për anëtarë dhe kryetarë të AMA-s, si dy gjëra të ndryshme, janë në shkelje të ligjit, pasi sipas tij në ligj është e përcaktuar që secili prej anëtarëve të AMA-s gëzon të drejtën për të kandiduar dhe për të qenë pjesë e saj.

Ndërkohë për nënkryetarin e Komisionit Alfred Peza, debati për këtë çështje do të zhvillohet pas datës 21 qershor, që është afati përfundimtar për dorëzimin e kandidaturave për kryetar të AMA-s. Reformimi i RTSH-së, ka qenë një tjetër pikë që ka ngjallur diskutime të forta në Komisionin e Medias. Edhe pas muajsh të tërë diskutimesh mazhoranca dhe opozita ende nuk kanë rënë dakort për formulën e përzgjedhjes së anëtarëve për 10 vendet vakante në këtë institucion.

Edhe pse dy mbledhje më parë është votuar në shumicë, propozimi për formulën e përzgjedhjes së anëtarëve të KDRTSH-së, propozim i relatores së mazhorancës Mimoza Hafizi, mungesa e djeshme e saj në komision ka bërë që opozita ta bojkotojë mbledhjen. Më parë deputeti i PS-së Fatmir Toçi ka konfirmuar edhe njëherë se mazhoranca i ka 20 emrat e saj, ndërkohë që sulmoi opozitën për vonesat dhe artificat e krijuara për të penguar reformimin e RTSH-së.

Nënkryetari i Komisionit Alfred Peza ka hedhur akuza të forta në drejtim të kryetarit të Komisionit Genc Pollo, i cili sipas tij po vonon prej muajsh qëllimisht reformimin e AMA-s për shkak se ka qenë vetë ai që në kohën kur ishte ministër firmosi tenderin për frekuencat. 

Shkrimi u botua në Shqiptarja.com (print) në 4 qershor 2014

Redaksia Online
(d.a/shqiptarja.com)
 

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

112-vjetori i Pavarësisë, shqiptarët 'paralizuan' Athinën mbrëmjen e djeshme! Flamuj të shumtë, rrugë të bllokuara dhe muzikë shqip

112-vjetori i Pavarësisë, shqiptarët 'paralizuan' Athinën mbrëmjen e djeshme! Flamuj të shumtë, rrugë të bllokuara dhe muzikë shqip

29 Nëntor, 10:41