Mediat austriake: Shqipëria drejt 
fitores së Eurovizion-it me Danin

VJENË - Shtypi austriak e përcjell në çdo hap përgatitjen për mbajtjen e garës më të popullarizuar të këngës në kontinent. Salla e mrekullueshme “Wiener Stadhalle”, e njohur për manifestimet sportive e koncertet është në vlagën e punëve finale. Po në këtë sallë të njohur mbajti koncertin e tij Ardian Bujupi dy vjet më parë. Sipas gazetës së njohur austriake “DiePresse” “Shqipëria kësaj radhe ka shpresa për një marshim drejt titullit me këngëtaren Elhaida Dani. Shqipëria deri tani nuk ka festuar sukses të madh në SongContest. Garueses shqiptare në Vjenë, Elhaida Dani, iu desh së fundi ta ndërronte titullin e këngës”.

DiePresse jep historikun e pjesëmarrjes së Shqipërisë në Eurovision, për herë të parë në vitin 2004. “Deri tani nga dymbëdhjetë konkurrimet, pesë herë nuk kalon në pjesën finale.
Renditjen më të mirë Shqipëria e kishte në Azerbajxhan me këngëtaren Rona Nishliu me këngën “Suus” në vendin e pestë të finales. Renditja më e dobët ishte në vitin 2008”. Gazeta jep disa nga renditjet e këngëve shqiptare nga vitet e fundit. Në vitin 2013, Adrian Lulgjuraj me këngën e Bledar Sejko, “Identiteti” vendi i 15-të në gjysmëfinale, siç ishte dhe në vitin e kaluar e përfaqësuar nga Hersi po në vendin e 15 –të.

Gazeta tjetër e njohur austriake “Der Standard“ ka nxjerr në faqet e saj këngëtarët e mbrëmjes së parë, e cila do mbahet me 19 maj, ku Shqipëria është e 14-ta. Që tani merret opinioni lidhur me rendititjen e mundshme nga nata e parë për finale, e cila mbahet me 23 maj. Këngëtarët e natës së parë: 1.Moldavia: Eduard Romanyatu – “I wantyour love”.2.Armenia: Genealogy – “Face the shadow”.3. Belgjika: Loïc Nottet – “Rythm Inside”.4: Holanda: Trijntje Oosterhuis – “Walk Along”5.Finlanda: Pertti Kurikan Nimipäivät – “Ainamun pitää”6. Greqia: Maria Elena Kyriakou – “One Last Breath”7. Estonia: Elina Born und Stig Rästa – “Goodbye to Yesterday”8. Maqedonia: Daniel Kajmakoski – “Autumn Leaves”9. Serbia: Bojana Stamenov – “Beauty Never Lies”10. Hungaria: Boggie – “Wars for Nothing”11. Bjellorusia: Uzari und Maimuna – “Time”12. Rusia: Polina Gagarina – “A Million Voices”13. Danimarka: Anti Social Media – “The Way You Are” 14. Shqipëria: Elhaida Dani – “I’m Alive”15. Rumania: Voltaj – “De la capăt – All Over Again”.16 Gjeorgjia: Nina Sublatti – “Warrior”

Gazetat japin informata të shumta rreth aktiviteteve përcjellëse. Sipas gazetës tjetër vjeneze “Wienheute”: “Në shëtitoret e frekuentuar do të vendosen gjashtë “kapakë altoparlantë” të gropave septike mbi kanale të cilët do këndojnë këngët e fituesit në Eurovisionin e kaluar, austriaku Conchita dhe këngë tjera për shëtitësit e shumtë.

Për komentuesit nga vende të ndryshme janë në shfrytëzim 58 kabina përballë tribunës. Ato do kenë të ashtuquajturën “hapësirën e gjelbër“ prej nga do raportojnë pa pengesa reporterët e vendeve të ndryshme për televizionet e tyre. Siç lajmëron përgjegjësi i njësitit të kameramanëve z.Kurt Pongratz, për 200 milionë shikues nga e gjithë bota, do të jenë26 kamera. Pres qendra do hapet me 10 maj, ku do jenë të vendosura 350 kamionë specialë me pajisje të ndryshme teknike që kapin peshë 3500 ton. Çdo arkë pajisjesh kalon nëpër kontroll të rreptë të policisë dhe personat e sigurimit, Masat e sigurisë do të jenë të nivelit më të lartë të mundshëm.

Programet dhe hapja e dyqaneve e muzeve është e veçantë, kur pritet një ardhje e turistëve nga e gjithë bota. Qysh tani të gjitha hotelet janë të rezervuara për pesë ditët e javës së tretë të majit. Numri i turistëve që vizitojnë Vjenën do të rritet shumë krahasuar me vitin e kaluar, kur ishin 13,5 milionë turistë nga e gjithë bota. Austriakët janë mjeshtër në shërbimet hoteliere të një cilësie të lartë, kur dihet se 33 për qind e të ardhurave kombëtare vijnë nga turizmi. Vetëm Vjena ka 96 muze me 950 salla muzesh.


Shkrimi u publikua sot (12.05.2015) në Shqiptarja.com versioni print
 
Redaksia Online
(a.ç/shqiptarja.com)