POP 5

Lajmet më të lexuara të 5 minutave të fundit

Arkiva

Mediat e huaja raportojnë për
Shqipërinë: "Votim mes tensionesh"

Shkëmbime zjarri dhe kërcënime nëpër qendrat e votimi shkruan ‘Tgcom24’ duke iu referuar ngjarjes së rëndë ndodhur në orën 08:50 në qytetin e Laçit, ku mbeti i vrarë një simpatizant i LSI-së dhe u plagos rëndë një kandidat i PD-së.
Mediat e huaja raportojnë për<br />Shqipërinë: "Votim mes tensionesh"
TIRANE - Mediat e huaja po pasqyrojnë me vëmendje zgjedhjet parlamentare që po mbahen në Shqipëri duke vënë theksin te rëndësia që ka zhvillimi i një procesi normal zgjedhor për të ardhmen e saj drejt BE-së. Mediat botërore po raportojnë rregullisht nga Shqipëria, ku janë shënuar edhe tensionet e para. Mediat italiane komentojnë duke e emertuar si një ‘votim mes tensionesh’.

Shkëmbime zjarri dhe kërcënime nëpër qendrat e votimi shkruan ‘Tgcom24’ duke iu referuar ngjarjes së rëndë ndodhur në orën 08:50 në qytetin e Laçit, ku mbeti i vrarë një simpatizant i LSI-së dhe u plagos rëndë një kandidat i PD-së. Ndërsa ‘DW’ raporton duke shkruar se pati një vrasje në një prej qendrave të votimit, teksa Shqipëria po voton. Vendi po voton në zgjedhjet parlamentare që do të luajnë një rol thelbësor për integrimin në Bashkimin Europian.

Në artikujt e tyre gazetat e huaja bëjnë një historik të shkurtër të zgjedhjeve në vendin tonë që nga rënia e komunizmit dhe te profili i dy kandidatëve kryesorë, kryeministrit Berisha dhe kreut të opozitës Edi Rama. Gazeta prestigjoze italiane ‘La Reppubblica’ shkruan se parlamenti që rinovohet do të zgjedhë kryeministrin e ri, i cili do të japë një impuls të ri rrugës drejt integrimit europian, një proces ky i penguar nga kriza e gjatë politike.

"Reuters" e nis artikullin dedikuar zgjedhjeve në Shqipëri, e majta që kërkon të largojë nga posti kryeministrin aktual, në një proces zgjedhor që po vëzhgohet me kujdes të veçantë nga Perëndimi. Në një analizë për zgjedhjet, agjencia e lajmeve "Aljazeera" shkruan se Shqipëria po voton për parlamentin e ri, ku këto zgjedhje do të vendosin nëse vendi më i vjetër në Europë do të ketë shansin për t'u bashkuar me familjen europiane.

Redaksia Online
(lc/by/shqiptarja.com)

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Prag feste, Rama ndan fotoalbumin e fëmijëve veshur kuqezi

Prag feste, Rama ndan fotoalbumin e fëmijëve veshur kuqezi

27 Nëntor, 21:35