"Russia Today" ka dhënë shumë shpejt lajmin se Shqipëria nuk do të pranojë shkatërrimin e armëve kimike siriane në territorin e saj, në kuadër të planit të Organizatës për shkatërrimin e armëve. Këtë ka deklaruar kryeministri shqiptar, Edi Rama.
 
Shqipëria vendosi të mos pranojë kërkesën e aleatit të saj në NATO, të Shteteve të Bashkuara të Amerikës. 

Gazeta Russia Today ka pasqyruar deklaratën e kryeministrit Rama, ndërsa ai i fliste popullit të tij, duke deklaraur se Shqipëria e ka të pamundur të përfshihet në këtë operacion, pas një takimi dhe bisedimeve në vend, me anëtarët e Kombeve të Bashkuara. 

Refuzimi i Shqipërisë vjen në datën 15 nëntor, datë e cila përkon me skadencën e planit të shkatërrimit të armëve kimike, i konkorduar me Organizatën për ndalimin e armëve kimikke (OPAC) e Damasku.

Siria e ka të nevojshme të heqë nga territori i saj 1.300 tonë sarin dhe agjentë të tjerë të gazit nervin, që janë shumë të rrezikshme që të shkatërrohen në atë territor. 
Sipas kësaj gazete, Shqipëria po e konsideronte faktin e krijimit të disa zonave për shkatërrimin e armëve kimeke, me kërkesë të Shteteve të Bashkuara të Amerikës, aleati i saj perëndimor më i ngushtë. 

Gjithsesi një burim nga Organizata për Shkatërrimin e Armëve kimike OPCW, ka deklaruar për Reuters se Shqipëria nuk është shpresa e vetme për të kryer këtë gjë, sipas planit të bërë. 

Një burim nga OPCW: Këtë pasdite nuk do të ketë asnjë shtet, që do të pranojë armët kimike. Por SHBA-të kanë alternativa të tjera.
 
Lajmi është botuar edhe në agjencinë italiane të lajmeve Ansa, gazetën italiane "Corriere della Srea", gazetën franceze ‘Le Point’, në zviceranen RTS etj.

ansa 

corriere della sera

le point

Redaksia Online
(e.b./mag/shqiptarja.com)