Mediu braktis mbledhjen e
Komisionit të Reformës Zgjedhore

Mbledhja e sotme e Komisionit të Posaçëm të Reformës Zgjedhore është shoqëruar nga pakënaqësi dhe debate. Ende pa përfunduar kjo mbledhje, kryetari i Partisë Republikane, Fatmir Mediu ka braktisur sallën.

Në një prononcim për median pasi doli nga Kuvendi, Mediu tha se komisioni po diskuton vetëm çështje të karakterit teknik. “Ne jemi përfaqësues politikë dhe pjesëmarrja jonë duket e tepërt për aq kohë sa aty flitet vetëm për çështje teknike”, theksoi Mediu sipas të cilit janë anashkaluar dhe nuk po flitet për ato kërkesa jetike të bëra nga partitë e vogla.