Unaza e Re është një zonë e Tiranës për të cilën ka pasur përplasje vazhdimisht për çështje nga më të ndryshmet.
Kandidati me nr.7 i “Aleancës për Ndryshim”, Fatmir Mediu, zhvilloi disa takime me banorë dhe biznese në zonën e Unazës së Re, ku bashkëbisedoi me banorët.
Mediu kërkoi mbështetjen duke thënë se vota për të është votë për familjen, për pronën dhe për një ekonomi të fortë.
![](https://shqiptarja.com/template/img/NO_ALFA_Kuadrate shqiptarja.png)
“Kjo zonë ka njohur jo vetëm persekutim ekonomik, por dhe persekutim politik. Nuk mundet kush të marrë pronën dhe të lozë me interesat e tua, dhe ajo se është legale apo s`është legale. Kjo histori e pafundshme dhe e turpshme e shtetit kundër pronës, kundër të drejtës për të gëzuar pronën dhe për t`a vënë atë në shfrytëzim, duhet patjetër të marrë fund.”
Ndërkaq Mediu theksoi se legalizimi duhet të marrë fund sa më parë. Sipas kreut të PR Mediu Edi Rama është i dështuar, midis shqiptarëve që duan dinjitet, punë dhe liri.
“Ky nuk është thjesht një bashkim i partive politike, por është rruga për të bashkuar shqiptarët drejt një të ardhmeje më të mirë, dhe ne detyrën e parë kemi garantimin e zgjedhjeve të lira dhe të ndershme”, përfundoi Mediu.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)