Pas mega operacionit në Sarandë ku u arrestuan 14 persona, ndërsa në 10 muaj numri ka shkuar në total në 61 ka reaguar edhe politika. Ministri i Brendshëm Sandër Lleshaj e cilëson operacionin si një goditje të madhe kundër krimit të organizuar.
61 shqiptarë dhe të huaj, mes tyre grekë edhe rusë, janë arrestuar nga policia shqiptare dhe ajo greke në një fazë hetimore prej 10 muajsh, për akuzën e trafikut ndërkombëtar të drogës, nga Shqipëria drejt Greqisë përmes kufirit të gjelbët.
Dje janë lëshuar në Shqipëri 26 urdhër-arreste, 14 prej tyre janë ekzekutuar, 4 persona janë në burg, ndërsa 2 të tjerëve në masë "detyrim paraqitje" u është ndaluar dalja jashtë vendit.
Ministri i Brendshëm Sandër Lleshaj e cilëson operacionin si një goditje të madhe kundër krimit të organizuar. "Goditja e madhe e radhës për krimin e organizuar. Shkatërrohet një tjetër merimangë kriminale falë angazhimit profesional të Policisë dhe Prokurorisë. Një betejë tjetër e fituar, por lufta vazhdon ende" shkruan Lleshaj.
