Receta

Melomakarona, biskota festive me sherbet nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 26 Dhjetor 2023, 12:31 | Përditesimi: 26 Dhjetor 2023, 12:32

Melomakarona, biskota festive me sherbet

Përbërësit:

500 gr miell
100 gr miell ermik
1 lk pluhur pjekës
200 ml lëng portokalli
200 ml vaj luledielli
75 ml vaj ulliri
25 gr sheqer
½ lugë kafeje karafil pluhur
½ lugë kafeje arrë moskat
1 lugë kanelle
Lëkura e 1 portokalli

Për sherbetin:

LEXO EDHE:
Pulë me oriz në furrë nga zonja Albana

250 ml ujë
400 gr sheqer
70 gr mjaltë
1 shkop kanelle
3-4 karafila
1 portokall

Përgatitja:

Përbërësit për biskota i përziejmë në dy tasa: miellin e grurit, pluhurin pjekës dhe miellin ermik bashkë dhe në tasin tjetër gjithë ingredientët e tjerë. Në fund i përziejmë të gjithë përbërësit bashkë dhe realizojmë një brumë të shkrifët dhe të vajosur nga jashtë (brumin nuk duhet t’a punojmë shumë me dorë). E ndajmë brumin në toptha të vegjël dhe i vendosim në letër pjekje larg njëra-tjetrës, pasi fryhen gjatë pjekjes. I vendosim në furrë në 175° për 20 minuta.

Pasi i nxjerrim nga furra i lëmë të ftohen dhe përgatisim sherbetin duke vendosur në tenxhere të gjithë përbërësit. E lëmë sherbetin të ziejë derisa të fillojë të trashet pak. Më pas e heqim nga zjarri dhe 1 nga 1 zhysim biskotat të zbuten dhe sapo njomen me sherbet i nxjerrim. Më pas i vendosim në një tepsi, shtojmë sipër arra të grira trashë dhe i spërkasim me mjaltë.

MC/Shqiptarja.com

TAG: