Receta

Melomakarona, biskota me arra dhe mjaltë të sherbetosura nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 18 Dhjetor, 11:32 | Përditesimi: 18 Dhjetor, 11:34

Biskota me arra dhe mjaltë të sherbetosura / Melomakarona

Përbërësit:

500 gr miell
125 ml vaj ulliri
125 ml vaj luledielli
60 ml lëng portokalli
Lëkura e grirë e një portokalli
50 gr sheqer pluhur
1 lugë çaji kanellë pluhur
1/2 lugë çaji sodë buke
1/4 lugë çaji karafil pluhur

Për shurupin:

LEXO EDHE:
Sallatë festive me panxhar nga zonja Albana

200 ml ujë
200 gr sheqer
100 gr mjaltë
1 shkop kanellë
2 feta limon ose lëng limoni

Për zbukurim:

100 gr arra të thërrmuara

Përgatitja:

Ziejmë ujin, sheqerin dhe shkopin e kanellës për 5-6 minuta. E heqim nga zjarri, shtojmë mjaltin dhe e përziejmë mirë. E lëmë shurupin të ftohet. Ndërkohë përgatisim brumin e ëmbëlsirave. Në një tas të madh, përziejmë vajin e ullirit, vajin e lulediellit, sheqerin dhe lëngun e portokallit. Shtojmë lëkurën e grirë të portokallit, kanellën, sodën e bukës dhe pluhurin e karafilit. I përziejejmë mirë. Gradualisht shtojmë miellin dhe e përziejmë derisa të formohet një brumë i butë dhe elastik. Marrim pak nga brumi, formojmë toptha të vegjël ose u japim formë ovale. I shtypim lehtë me pirun për të krijuar teksturë në sipërfaqe dhe i vendosim në tepsi të shtruar me letër pjekjeje. I pjekim në furrën e parangrohur në 180°C për rreth 20-25 minuta, derisa të marrin ngjyrë të artë. Pasi ëmbëlsirat të jenë gati, i nxjerrim nga furra dhe i zhysim menjëherë në shurup të ftohtë për disa sekonda secilën. I vendosim në një pjatancë dhe i spërkatim me arra të thërrmuara në sipërfaqe.

MC/Shqiptarja.com

TAG: