POP 5

Lajmet më të lexuara të 5 minutave të fundit

Sociale

Memaliaj pa treg, frutat e perimet shiten në rrugë! Blerësit: Na kanë harruar! Kryebashkiaku: Ka projekt, por s’ka fonde

Në Memaliaj frutat perimet dhe produkte të tjera shiten nëpër cepa rrugicash apo ku të gjenden hapësira të lira. Tregtarët thonë se askush nuk u ka përcaktuar një treg. Kryetari i Bashkisë Gjolek Guci thotë se ka projekt por s’ka paratë për ta ndërtuar.

Ndodhemi në mes të rrugës në qendër të qytetit Memaliaj. Pas krahëve të mi ndodhet tregu industrial apo siç quhet ndryshe nga banorët e Memaliaj, tregu i fshatarëve. Shitja e frutave dhe perimeve në mes të rrugës ku kalojnë edhe automjetet është shqetësimi i hershëm për banorët e Memaliajt.

“Më keq se kaq nuk ka ku vete. Është bërë shkretëtirë nga të gjitha drejtimet”, shprehet një qytetar i Memaliaj.

“Ka mbaruar çdo gjë, njerëzit nuk kanë të blejnë por edhe treg nuk ka”, thotë një blerëse.

Ju e shikoni vetë, ja si është gjendja në treg. Deshën ta bënin këtu, por vetëm hodhën ca beton dhe e kanë lënë ashtu të shkretë. Nuk kanë bërë as treg asgjë”, thotë një blerës.

Por edhe për shitësit kërkojnë një treg me standarde.

“As në ‘50 që kam lindur unë nuk ka qenë në këtë gjendje tregu. Kam vetë i katërti këtu zëre se jam pa bukë, çfarë të them gjë tjetër unë”, shprehet një tregtare.

‘Treg s’kemi se po të kishim nuk shesim në rrugë. Na është premtuar nga Bashkia e presim të na bëhet. Kushtet siç i shihni vetë, shumë të mira”

Për kryebashkiakun Gjolek Guci, ekziston një projekt i hartuar për ndërtimin e një tregu të ri, ka munguar financimi i tij.

“Krijuam ambientin e parë. Hodhëm shtresën e parë të betonit. Kemi bërë projektin dhe jemi në momentin për të gjetur një treg të ri për financimin e projektit”, thotë ai.

Në këtë hapësirë operojnë me shumë se 15 tregtarë.

SI.E./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Ura: 20/02/2023 02:39

    Sikur sme besohet. Hajt se e rregullon Fondi hajduteve

    Përgjigju
  • Sondazhi i ditës:

    A duhet Kurti të largojë kryetarët shqiptarë nga zyrat në veri të Kosovës?

Lajme të tjera



×

Lajmi i fundit

Kurti i prerë: Kryetarët e zgjedhur në veri të Kosovës duhet të jenë në zyrë, s’mund të krijojmë struktura paralele jashtë ndërtesave

Kurti i prerë: Kryetarët e zgjedhur në veri të Kosovës duhet të jenë në zyrë, s’mund të krijojmë struktura paralele jashtë ndërtesave

1 Qershor, 14:14