Digjet kasollja në Vlorë, humb jetën 80-vjeçarja! Djali: Ishte gjysmë e paralizuar (VIDEO)

VLORE- Një 80-vjeçare ka humbur jetën mëngjesin e sotëm pas djegies së një kasolleje në një stan në Urën e Gjormit në Vlorë. Viktima është identifikuar si Selvi Zenelaj, ndërsa ngjarja ka ndodhur në orën 08:37 të mëngjesit të sotëm.
Burime për Report Tv bëjnë me dije se ngjarja ka qenë aksidentale ndërsa shkaqet e përhapjes së flakëve kanë qenë nga një zjarr i ndezur brenda stanit për tu ngrohur. Fillimisht kanë marrë flakë rrobat ndërsa më pas e gjithë kasollja.

Po ashtu mësohet se 80-vjeçarja ka pasur probleme me shikimin dhe kjo e ka barë të pamundur që të dal jashtë kasolles që mori flakë. Ndërkohë djali i saj, Shkëlqim Zeneli është shprehur se nëna e tij ka qenë gjysmë e paralizuar ndërsa në momentin e zjarrit ai ka qenë në një dhomë tjetër që ishte e ndarë nga ndërtesa që u përfshi nga flakët. 

Rendit zhvillimet sipas orarit:
Ora 12:17
Nëna iu dogj në shtëpinë e vjetër, flet djali: Ishte gjysmë e paralizuar, ndezi zjarrin natën (VIDEO)

Detaje të reja kanë dalë në dritë nga ngjarja e rëndë në vendin e quajtur Ura e Gjormit në Vlorë, ku Selvi Zenelaj, 80 vjeç humbi jetën si pasojë e flakëve që ranë në një banesë të vjetër.

Djali i viktimës Shkëlqim Zeneli është shprehur se nëna e tij ishte e paralizuar dhe nuk e kishte menduar që do të ngrihej dhe të ndizte zjarrin. Ai ka deklaruar se vetë kishte fjetur në një dhomë tjetër që ishte e ndarë nga ndërtesa që u përfshi nga flakët. Ndërsa nënën e ka gjetur të vdekur në mëngjes.

"Nënë e kisha. Ishte pak e sëmurë, ishte gjysmë e paralizuar, i shërbeja vetë. Lyem me gëlqere këto dhe i shtuam bashkë me vëllanë. Më tha mos ik të keqen nëna, po ika u shtriva të dhoma tjetër. Kur ngrihemi në mëngjes, nëna djegur. Nëna jetonte me neve e babain. Babai mbrëmë ishte në shtëpitë në fshat. Është ngritur marramendësh  ka ndezur zjarrin dhe është djegur ashtu. " tha djali i të moshuarës, Shkëlqim Zeneli.

m.v./b.ha./Shqiptarja.com
  • Sondazhi i ditës:

    Opozita një vit jashtë parlamentit, a ishte i drejtë vendimi për djegien e mandateve?

Komento