Merrni masa! Tirana pa ujë në fundjavë, do nisë punën impianti i ri në Bovillë

Kryeqytetasit duhet të marrin masat për fundjavën, pasi Tirana do të ketë kufizime në furnizimin me ujë. Zv/drejtoresha e përgjithshme e UKT, Evis Gjebrea  shpjegoi për Report Tv se do të nisin punimet për lidhjen e linjës së transmetimit të Ujëmbledhësit të Bovillës me Impiantin e trajtimit të ujit në Bovillë dhe kjo do shkaktoj ndërprerjen e ujit.

 “Kjo është një linjë, e cila do të transmetojë dyfishin e kapacitetit që transmetohet aktualisht deri në impiantin e përpunimit të Bovillës. Në impiant aktualisht prodhohet 1800 litra për sekond ujë dhe me këtë shtesë të kapacitetit do të shkojmë në 2400 litra/sec. Do të jetë e gjithë Tirana e cila do të ketë kufizime të furnizimit me ujë. Ne kërkojmë mirëkuptimin e qytetarëve pasi punimet do të fillojnë herët në mëngjes ditën e shtunë dhe pritet që të vazhdojnë edhe ditën e diel. Të marrin masa për të depozituar, për të patur depozitat e mjaftueshme gjatë këtyre dy ditëve që do të kryhen punimet”-tha Evis Gjebrea.

Gjebrea tregon se janë marrë masat për të siguruar furnizim të qëndrueshëm, gjatë fundjavës, për institucione të rëndësisë së veçantë.

“Ujësjellësi i Tiranës ka marrë të gjitha masat e nevojshme për të siguruar furnizim të qëndrueshëm, gjatë fundjavës, për institucione të rëndësisë së veçantë si spitalet, urgjenca mjekësore, burgjet etj”-u shpreh zv/drejtoresha e përgjithshme e UKT.

Punimet do të nisin që në orët e para të mëngjesit të ditës së shtunë. Ndaj dhe qytetarët duhet të përgatiten për mungesë të ujit gjatë fundjavës.

B.K.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • vjosa: 06/06/2020 00:19

    Duhet te punonit me shpejt ,,nuk bllokohet Tirana per dy dite,,,,...ne asnje vend te botes nuk bllokohet kryeqyteti per dy dite….

    Përgjigju
  • sapa: 05/06/2020 15:15

    Une jam i sigurte qe do keni uje.Kur ta braktisni ate vend!

    Përgjigju
  • Ggg: 05/06/2020 10:15

    Malo na vjen keq por uje 24 ore nuk do te kemi kurre.... por ne te ardhmen te premtoj qe do kemi uje 24 ore ne muaj....

    Përgjigju
  • malo: 05/06/2020 00:23

    KUR DO KEMI UJE 24 ORE NE TIRANE SE PO CMENDEMI???????

    Përgjigju
  • Sondazhi i ditës:

    Hapësirat publike në plazhe, sipas jush janë:



×

Lajmi i fundit

Spahiu: Rama pazar me Greqinë, që lejoi Belerin nga burgu të udhëtoj jashtë

Spahiu: Rama pazar me Greqinë, që lejoi Belerin nga burgu të udhëtoj jashtë