POP 5

Lajmet më të lexuara të 5 minutave të fundit

Kronikë

Merrte nga 215 euro për secilin/ Në pranga Korçari që transportonte emigrantë sirianë

Policia ka arrestuar një 32- vjeçar nga Korça i cili po transportonte drejt Tiranës, 4 emigrantë sirianë me qëllim kalimin e kufirit në mënyrë të paligjshme, kundrejt pagesës prej 215 euro secilit.

Merrte nga 215 euro për secilin/ Në pranga Korçari që transportonte emigrantë sirianë

Pamje nga transporti i sirianëve

Pogradec- Policia ka arrestuar një 32- vjeçar nga Korça i cili po transportonte drejt Tiranës, 4 emigrantë sirianë me qëllim kalimin e kufirit në mënyrë të paligjshme, kundrejt pagesës prej 215 euro secilit.

Drejtuesi i mjetit, D.M  gjatë transportit  të emigrantëve me mjetin e tij tip "Benz" është ndaluar në aksin rrugor Pogradec-Librazhd, nga pamjet e policisë duket qartë se një nga emigrantët ka qënë i fshehur në bagazhin e mjetit.

Njoftimi i Policisë :

Në kuadër të tij goditet një tjetër rast i veprimtarisë kriminale në fushën e dhënies ndihmë shtetasve të huaj për kalim të paligjshëm të kufirit, kundrejt fitimit.

U kap duke transportuar 4 emigrantë të paligjshëm, vihet në pranga 1 shtetas.

Strukturat për Hetimin e Krimeve në Drejtorinë Vendore të Policisë Korçë, në bashkëpunim me Policinë Kufitare, Sektorin e Policisë Rrugore dhe Komisariatin e Policisë Pogradec, në vijim të operacionit policor "Perimetri", kanë goditur një tjetër rast të aktivitetit kriminal në fushën e dhënies ndihmë shtetasve të huaj për kalim të paligjshëm të kufirit, kundrejt shpërblimit, si rezultat i të cilit u bë kapja dhe arrestimi në flagrancë i shtetasit D. M., 32 vjeç, banues në Korçë.

Ky shtetas është kapur nga shërbimet e Policisë, në aksin rrugor Pogradec-Librazhd, pranë vendit të quajtur "Lumi i Tërhanit", duke transportuar në drejtim të Tiranës, me mjetin tip "Benz", 4 emigrantë të paligjshëm, të cilëve, kundrejt fitimit 215 euro për secilin, iu kishte premtuar kalimin drejt vendeve të BE-së.

Materialet i kaluan Prokurorisë së Rrethit Gjyqësor Pogradec, për veprën penale "Ndihma për kalim të paligjshëm të kufijve".

 

 

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Krijimi i Bankës Shtetërore për Zhvillim, kundërshtitë mes Tabakut dhe Berishës

Krijimi i Bankës Shtetërore për Zhvillim, kundërshtitë mes Tabakut dhe Berishës

27 Janar, 17:43