“Proactiva Open Arms” ka deklaruar se ka gjetur trupat e 5 personave të pajetë pranë dy mjeteve lundruese të përmbysura, të cilat kishin mundësi të mbanin në bordin e tyre më shumë se 100 persona secila.
Një prej drejtuesve të grupit, Laura Lanuza është shprehur se pesë trupat e pajetë të nxjerrë nga ujërat e Mesdheut janë meshkuj të moshave të reja, të cilët duket se janë mbytur.
Lanuza ka shtuar se numri i emigrantëve të cilët mund të kenë humbur jetën mendohet të jetë të paktën 240.
Gjithashtu edhe një zëdhënës i Rojes Bregdetare italiane, ka konfirmuar 5 të vdekurit dhe është shprehur se Roja Bregdetare italiane, nuk mund të konfirmonte nëse numri i personave të mbytur është aq sa deklaron "Proactiva Open Arms".
Gjatë vitit të kaluar, të paktën 5 mijë persona kanë humbur jetën në përpjekje për të mbërritur në Evropë përmes detit Mesdhe.
Redaksia Online
D.T/Shqiptarja.com