Receta

Mesnik me mish koke dhe qepë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 2 Tetor, 12:08 | Përditesimi: 2 Tetor, 12:09

Mesnik - Byrek me mish viçi

Përbërësit:

900 gr miell gruri
2 lgj vaj ulliri
450 ml ujë
1 Igj kripë

Për mbushjen:

LEXO EDHE:
Melomakarona, biskota me arra dhe mjaltë të sherbetosura nga zonja Albana

1 kokë viçi
5-6 kokrra qepë
100 gr gjalpë
1 lgj nenexhik të thatë
1 tufë nenexhik të njomë
1 lç rigon
Kripë, piper
Vaj ulliri

Përgatitja:

Fillimisht përgatisim brumin. Në një tas bashkojmë të gjithë përbërësit dhe i punojmë derisa të formohet brumi, e mbulojmë me qese kuzhine dhe e lëmë të pushojë për 30 minuta. Më pas e ndajmë brumin në toptha, hapim petët me pec dhe I pjekim në sobë. Fillojmë përgatisim mbushjen. Pasi e kemi larë kokën e vendosim për të zierë në një tenxhere me ujë të bollshëm dhe kripë. Ndërkohë në një tigan kaurdisim qepët e grira hollë me vaj ulliri dhe gjalpë. Kullojmë lëngun e mishit, ndërsa mishin e pastrojmë nga kockat duke e copëtuar. Pasi qepa është karamelizuar shtojmë mishin bashkë me erëzat. Në tepsi shtrojmë 3 peta të njoma (jo të pjekura) mbi to vendosim një petë të pjekur dhe 3 peta të pjekura të lagura më parë me lëngun e kokës. Shtrojmë mishin duke e përhapur mirë, e spërkasim me vaj dhe kështu proçedojmë deri në përfundim të petëve. Në shtresën e fundit ku kemi hedhur mishin, vendosim një petë të pjekur të pa thërrmuar e njomim me lëng, shtrojmë dhe një petë të njomë dhe e vendosim të piqet në furrë në 250° Celsius për 40-45 minuta.