X

POP 5

Lajmet më të lexuara të 5 minutave të fundit

Sociale

Mësuesit e Roskovecit 5 muaj pa marrë pagesën e transportit! Sindikata e Arsimit: Nisim grevën nëse ministrja s’na jep përgjigje! Pezullojmë mësimin

Që prej shtatorit, dhjetëra mësues të zonës së Roskovecit nuk marrin lekët e transportit. Përfaqësues së sindikatës së mësuesve deklaruan sot se do të nisin grevën duke e përshkallëzuar deri në pezullim të plotë të mësimit nëse nuk marrin përgjigje nga Ministria e Arsimit. Kjo e fundit e kontaktuar nga Report Tv tha se kemi kërkuar nga Drejtoria Arsimore të shihet problematika reale dhe të gjendet zgjidhja sa më parë.

174 mësues nga Fieri dhe qytete të tjera që japin mësim në shkollat e Roskovecit nuk kanë marrë pagesën e transportit që shkon 10 mijë lek në muaj bashkë me vështirësinë e punës.

Festim Metaj kryetar i Sindikatës së Arsimit në Roskovec tha se pagesa për transportin dhe vështirësinë në punë është vonuar prej 5 muajsh. Pavarësisht ankesave në Zyrën Arsimore të Roskovecit nuk kanë gjetur zgjidhje.

“Kemi këtë problem 5 muaj, nga 230 mësues në Roskovec, 174 vijnë nga Fieri kemi 5 muaj që nuk marrim pagesën e transportit. Po kështu na është mohuar dhe vështirësia në punë që do të thotë na është mohuar një rrogë shtesë. Një mësues nga Fieri në Roskovec merrte 100 mijë lek, prej 5 muajsh nuk i merr më. Kemi marrë kontakt me drejtorinë arsimore, kjo e fundit në ministri dhe skemi marrë zgjidhje u bënë 5 muaj. I bëjmë thirrje ZVA Roskovec, Ministrisë së Arsimit ta marrë seriozisht këtë ankesë. Na kanë thënë që në shkurt te vitit kaluar ka dalë një VKM, por ne nga shkurti e deri në shtator i kemi marrë lekët nga shtatori e deri më sot jo. Mësuesit më kërkojnë të hidhemi në protestë, po e shohim këtë mundësi si sindikatë”, shprehet Metaj.

Ndërsa Dezdemona Karafili, mësuese e shkollës së mesme “Adem Vrapi” në Roskovec, njëherësh nënkryetare e sindikatës paralajmëroi protesta dhe grevë nëse nuk do të ketë reagim nga Ministria e Arsimit dhe Kryeministri.

“Kemi kryer veprimet tona dhe do ta përshkallëzojmë situatën deri në grevë nëse lekët e rrugës tonë do të mbahen. Është një procedurë e jashtëligjshme. Në shtator deri në dhjetor i bie deri në 12 milionë lekë të vjetra që mbahen për të gjithë mësuesit e zonës. Ne kemi çuar këtë letër me një peticion prej 34 firmash të mësuesve. Kemi çuar në organet kompetente në ZBA-në e Roskovecit, kemi çuar letër dhe në kryeministri”, thotë Karafili.

Në bazë të vendimit të këshillit ministrave të vitit 2017 mësuesit që punojnë larg vendbanimit marrin shpërblim për transportin në vlerën 1 mijë lek kur largësia është mbi 10 km dhe 1800 për largësinë mbi 20 km.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Ilir Meta sulmon kreun e SPAK, si e vlerësoni?

Lajme të tjera



×

Lajmi i fundit

Rikthimi në fushë dhe eliminimi, Rafa Nadal: S'ishte ndeshje për të dhënë jetën, gati për turnetë e radhës

Rikthimi në fushë dhe eliminimi, Rafa Nadal: S'ishte ndeshje për të dhënë jetën, gati për turnetë e radhës

18 Prill, 21:58