Meta: Bashkëpunim e dialog
mes palëve për integrimin e vendit

Meta: Bashkëpunim e dialog <br />mes palëve për integrimin e vendit
SKRAPAR - Kreu i Lëvizjes Socialiste për Integrim ka ftuar palët politike në Shqipëri, që të kenë një bashkëpunim në interes të qytetarëve pasi sipas tij bashkëpunimi do të sjellë progres në vend.

Duke i bërë apel klasës politike të marrë përgjegjësitë e veta dhe të mos pengojë marrjen e statusit të vendit, Meta tha se “Duhet më shumë përgjegjësi për t'u shkëputur nga ambiciet e ngushta politike që sjellin një nervozizëm dhe një ngërç që nuk lejon konkretizimin e atij vullneti politik që e kanë të gjithë forcat politike e populli shqiptar, integrimi në BE. Le të shërbejë si një reflektim për të gjithë, si një apel për të përshpejtuar të gjitha ato hapa dhe vendime që duhet të marrë parlamenti dhe politika në Shqipëri, të cilat shtojnë besimin tek partnerët Europiane dhe i japin Shqipërisë statusin e vendit kandidat”.

Meta bëri thirrje që të ecet më shpejt në të gjitha drejtimet. Ai u shpreh se për të ecur më shpejt drejt progresit, zhvillimit dhe drejt familjes së madhe europiane është i domosdoshëm bashkëpunimi i të gjithëve, i përfaqësuesve të qytetarëve shqiptarë në Parlamentin e Shqipërisë, bashkëpunimi në këshillat bashkiakë apo komunalë si dhe bashkëpunimi me njëri-tjetrin në komunitet.

“Vetëm me dialog konstruktiv dhe bashkëpunim me njëri-tjetrin do të mund të ecim më shpejt përpara. LSI-ja është e përkushtuar t’i lërë mënjanë ndryshimet në mendime dhe jemi të vendosur të punojmë me të gjitha partitë për të krijuar më tepër vende pune dhe standarde jetese më të larta për të gjithë Shqiptarët. Vetëm nëse ecim ne të gjithë përpara, mund ta shtyjmë vendin përpara. Nuk duhet të lejojmë që këto vlera të eklipsohen nga mungesa e bashkëpunimit politik brenda vendit. Politika jonë e brendshme shfaq si pengesë kryesore e mungesë bashkëpunimi i cili e pengon Shqipërinë që të ecë më shpejt përpara”, theksoi kryetari i LSI-së.

Këto deklarata kreu i LSI-së i bëri sot në inaugurimin e rrugës në fshatin Vërzhezhë të Rrethit të Skraparit.

(eç/shqiptarja.com)

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Nënkryetarja e PE e pranon: BE gaboi me masat ndaj Kosovës, ishin të njëanshme! Serbia nuk ndëshkohet nga frika e Rusisë

Nënkryetarja e PE e pranon: BE gaboi me masat ndaj Kosovës, ishin të njëanshme! Serbia nuk ndëshkohet nga frika e Rusisë