Meta-Eichhorst:Reforma në Drejtësi
të luftojë krimin e korrupsionin

Reforma në Drejtësi, për kryetarin e Kuvendit Ilir Meta duhet të prodhojë rezultate të prekshme në terren në luftën ndaj korrupsionit dhe krimit të organizuar dhe të garantojë një sistem drejtësie të qëndrueshëm dhe afatgjatë.

Kjo ka qenë deklarata që kreu i kuvendit Meta ka bërë në një takim që ai ka patur sot me Drejtoren për Evropën Perëndimore, Ballkanin Perëndimor dhe Turqinë në Shërbimin e Jashtëm Evropian (EEAS) Angelina Eichhorst.
 
Eichhorst ka vlerësuar përpjekjet që po bëhen në kuadër të avancimit me prioritetet e BE-së dhe theksoi se realizimi i suksesshëm i reformës në drejtësi është një gur i rëndësishëm për hapjen e negociatave për anëtarësim mes Shqipërisë dhe Bashkimit Evropian. 

Kryetari i Kuvendit Meta vuri në dukje në përfundim se progresi i Shqipërisë në proçesin e integrimit të saj evropian, është një kontribut edhe për rajonin e Ballkanit dhe për zhvillimin e tij të qëndrueshëm ekonomik e demokratik.
 
Meta shprehu mirënjohjen për vëmendjen e vazhdueshme të Shërbimit të Jashtëm Evropian dhe për bashkëpunimin e ngushtë që institucionet shqiptare, veçanërisht Kuvendi gëzojnë me strukturat e Bashkimit Evropian.

Redaksia Online
(F.T/shqiptarja.com)