Gundogdu së bashku me një grup deputetësh turq vizituan Shqipërinë për të marrë pjesë në simpoziumin dyditor të organizuar në nderim të figurës së Mehmet Akif Ersoit, personalitetit me origjinë shqiptare, i cili themeloi himnin e Turqisë.
Gjatë takimit Meta dhe Gundogdu e vunë theksin te marrëdhëniet e mira që ekzistojnë midis Shqipërisë dhe Turqisë si dhe nënvizuan rëndësinë e forcimit të këtyre marrëdhënieve në fusha të rëndësishme si ekonomi, shëndetësia, kultura, arsimi, etj.
Kryeparlamentari shqiptar, Ilir Meta, vlerësoi përpjekjet e Turqisë për krizën e emigrantëve sirianë.
"Natyrisht që kemi folur jo pak edhe për krizën në Siri dhe sidomos për krizën e refugjatëve, ku dua të vlerësoj edhe një herë Turqinë për një përpjekje gjigante që po realizon për të ndihmuar miliona refugjatë të cilët po përpiqen të shpëtojnë nga lufta", u shpreh Meta.
Ndërkaq, në emër të Kryetarit të Parlamentit Turk, ministri turk, Gundogdu i shprehu z. Meta ftesën për të vizituar zyrtarisht Turqinë, ftesë që u mirëprit nga Kryetarit i Kuvendit të Shqipërisë, z. Meta.
Redaksia online
Shqiptarja.com