Meta i pafajshëm, Braçe e
Veliaj kundër Gjykatës së Lartë

TIRANE- Nënkryetari i grupit parlamentar të Partisë Socialiste Erion Brace dhe ish-drejtuesi i Mjaft Erjon Veliaj, aktualisht sekretar për Rininë dhe Emigracionin në Partinë Socialiste shprehen të zhgënjyer nga vendimi i Gjykatës së Lartë i cili shpalli sot të pafajshëm Ilir Metën,. Sipas gjykatës së Lartë nuk ka prova për akuzën e korrupsionit aktiv dhe të abuzimit me detyrën

“Gjykata e Larte duhet të shpërndahet!3 here,për Lulezim Bashën ,Fatmir Mediun dhe sot për Ilir Meten ka zgjedhur të jete me hajdutë e vrasës! “- është reagimi i Erion Braces në Twitter menjeherë sapo u mësua vendimi i gjykatës.
Ndërsa në facebook shkruan "Tre here ne dy vite: Në rastin e ministrit të Transportit Lulëzim Basha-hetuar dhe nën akuzë për një aferë të madhe korrupsioni me procedurat e prokurimit të ndërtimit të rrugës Rrëshen-Kalimash.
Në rastin e ministrit të Mbrojtjes Fatmir Mediu-hetuar dhe nën akuzë për krimin makaber me 26 të vrarë konsumuar shteterisht ne Gërdec;
në rastin e ministrit të Ekonomisë,  Ilir Meta-hetuar dhe nën akuzë për korrupsion aktiv në një cështje fare fare publike, parë nga 3 milionë shqiptarë;

Tre trupa të ndryshëm gjykues, përbërë nga anëtarë të Gjykatës së Lartë, kanë zgjedhur të mos gjykojnë- në rastet Basha e Mediu; kanë zgjedhur të mos bëjnë drejtësi-në rastin Meta!
Keto trupa gjykues duhen shperbere!
Keta gjykates duhen shkarkuar!
Te treja ceshtjet mbeten te hapura!
pra, te gjykueshme ne cdo rast kur do te kete kushte per te bere drejtesi!"- shkruan Braçe.
Ndërsa reagimi i Veliajt në Twitter është “ Vaj vatani, mjerë mileti... "