Meta krah Osmanit: Kufiri mes dy vendeve të bëhet i padukshëm, të thellojmë bashkëpunimin

Presidenti Ilir Meta në një konferencë të përbashkët me presidenten në detyrë të Kosovës Vjosa Osmanin ka thënë se është me rëndësi të thellohet bashkëpunimi mes dy vendeve dhe në këtë mënyrë kufiri të bëhet i padukshëm.

"Kufiri ndërshtetëror të bëhet jo vetëm i padukshëm poir që njerëzait të afrohen dhe të shkëmbejnë eksperienca. E sigurova presidenten Osmani  që ne do të vazhdojmë ta mbështesim sovranitetin dhe integritetin territorial të Kosovës", tha Meta.

Presidenti ka vlerësuar dhe sfidën e fundit të Kosovës dhe të ish-drejtuesve të UÇK-së për të kunfirmuar të vërtetën dhe për të hedhur poshtë akuzat për krime gjatë luftës.

"Vlerësova qëndrimin dinjitoz dhe shpreha mbështetjen time ndaj UCK dhe institucioneve të Kosovës për tu përballur me drejtësinë për të konfirmuar dhe njëherë drejtësinë e Kosovës. Me rëndësi është sfida e COVID 19. Kemi treguar vullnet dhe gatishmëri për të bashkëpunuar më ngushtë midis dy vendeve dhe instituciovene tona që ta kapërcejmë sa lehtë këtë betejë.

Në këtë drejtim shpresojnë që të bashkëpunohet dhe më shumë edhe për sigurimin e vaksinës, në mënyra më të shpejta. Shteti i Kosovës ka përpara shumë sfida. I shpreha faleënderimin për ndihmën që ka dhënë Kosova në nxjerrjen nga rrënojat e viktimave nga tërmeti i vitit të kaluar. Kosova në OKB i shërben stabilitetit të ballkanit. Kjo është një vizitë që do të na shërbejë të gjithëve të bashkëpunojmë më ngushtë", tha Meta.

Lajmi kryesor:

Meta: Kufiri mes dy vendeve të bëhet i padukshëm! Osmani: Minishengeni nuk favorizon Kosovën dhe Shqipërinë! Kuvendi juaj të miratojë rezolutën ku dënon gjenocidin serb

/r.k./Shqiptarja.com

TAG:
• Tirane
• Ilir Meta
• kosove
• Vjosa Osmani
• Minishengeni