Meta-Larcher: Franca rol kyç
për integrimin e Shqipërisë në BE

Zhvillimi i Shqipërisë në infrastrukturë, energji, turizëm, bujqësi dhe në industritë agro ushqimore. Këto ishin temat kryesore të cilat u diskutuan mes kryeparlamentarit Ilir Meta dhe presidentit francez Gerard Larcher.

Gjatë ditës së sotme Meta vizitoi Francën ku shprehu mirënjohjen për mbështetjen ndaj Shqipërisë në rrugën drejt integrimit për në BE.

Meta nënvizoi se bashkëpunimi ekonomik dhe marrëdhënia e mirë mes dy vendeve është një klimë e favorshme për realizimin dhe zbatimin e të gjitha projekteve.

Kryetari i Kuvendit Meta nënvizoi se Kuvendi i Shqipërisë është i angazhuar për të avancuar me agjendën e reformave të nisura, ku prioritet mbetet reformimi i sistemit të drejtësisë, si kyç për të luftuar korrupsionin.

Gjatë fjalë Gerard Larcher mbështet progresin e arritur në marrëdhëniet mes vendeve të rajonit duke nënvizuar se Franca mbështet perspektiven europiane të gjithë rajonit.

Presidenti i Senatit Larcher vlerësoi përkushtimin e Shqipërisë ndaj objektivave të Francës për Konferencën globale për ndryshimet klimaterike dhe efektet ndaj mjedisit, duke veçuar se mbrojtja e mjedisit në zonën euro mesdhetare duhet parë me vëmendje të veçantë.

Në përfundim të vizitës Meta ftoi Presidentin Larcher për një vizitë zyrtare në Shqipëri.


Redaksia online
(o.m/shqiptarja.com)