Raporti i KE-së/ Rama: Konfirmohet progresi që ka bërë Shqipërisë, por tani jemi në dorën e 27 vendeve anëtare

Raporti i KE-së/ Rama: Konfirmohet progresi që ka bërë Shqipërisë, por tani jemi në dorën e 27 vendeve anëtare

TIRANË- Një rikonfirmim të raportit të vitit 2018, e konsideron kryeministri Edi Rama raportin e publikuar ditën e sotme nga Komisioni Europian, që rekomandonte çeljen e negociatave me Bashkimin Europian.

Një konfirmim të atij raporti, por edhe faktin se Shqipëria i ka kryer të gjitha detyrat që i ishin caktuar, megjithatë thekson se tashmë e gjitha është në dorë të Këshillit Europian. Për Ramën, ky raport është shumë domethënës për progresin e vendit, por tashmë gjithçka është në dorën e 27 vendeve anëtare dhe politikës të brendshme që ata do të ndjekin.

"Ja çfarë thuhet në konkluzionin e Raportit të Progresit, që u publikua SOT nga Komisioni i Ri Europian:

Nën dritën e progresit domethënës dhe të faktit se kushtet e vendosura unanimisht nga këshilli Europian në qershor 2018 u plotësuan, komisioni i rekomandoi këshillit europian në paketën e zgjerimit 2019, hapjen e negociatave për anëtarësim me Shqipërinë. Në tërësi, Shqipëria ka shtuar përpjekjet dhe ka arritur rezultate të mëtejshme e të qëndrueshme në fushat kyçe të identifikuara në konkluzionet e këshillit në qershor 2018. Si rrjedhojë, bazat e rekomandimit të komisionit në 2019 për të hapur negociatat me Shqipërinë mbeten në fuqi.

Pra, Komisioni i Ri Europian, jo vetëm rekomandon hapjen e negociatave me Shqipërinë, por rikonfirmon duke e përforcuar, rekomandimin e Komisionit paraardhës, vitin e shkuar! Kjo do të thotë se Shqipëria i kishte kryer dhe ka vazhduar t’i kryejë me sukses detyrat e shtëpisë për hapjen e negociatave. A i hap apo nuk i hap Këshilli Europian negociatat paskëtaj, kjo është POLITIKË dhe u takon vendeve anëtare të vendosin, jo Shqipërisë! A e gjejnë apo nuk e gjejnë vendet anëtare konsensusin e nevojshëm për t’i dhënë Shqipërisë atë që i takon, kjo varet nga sa arrinë ato të harmonizojnë interesat e përveçme me interesin e përgjithshëm!

Hapen nuk hapen negociatat në mars, në qershor, në tetor apo në dhjetor, të këtij a të vitit tjetër apo të tjetrit pas tjetrit, kjo nuk është në dorën tonë po në duart e 27 vendeve anëtare të BE-së! Në dorën tonë është të bëjmë me sukses detyrat e shtëpisë, jo për hatër të tyre po për Shqipërinë europiane që duam për fëmijët tanë! Dhe a i kemi bërë apo jo detyrat, këtë ka vetëm një instancë që ka objektivitetin për ta thënë: Komisioni europian, i cili sot ka publikuar konkluzionin bashkëlidhur", tha Rama.

Postimi i plotë i kryeministrit Edi Rama

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Lemi: 03/03/2020 01:26

    Z Rama vish poture te tjera tani se ato te parat ishin bad lack

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Himara 2 ‘kryetarë’ në burg, vendi vakant pas dorëheqjes së Jorgo Goros! Këshilli Bashkiak komandon sot kryebashkiakun e ri

Himara 2 ‘kryetarë’ në burg, vendi vakant pas dorëheqjes së Jorgo Goros! Këshilli Bashkiak komandon sot kryebashkiakun e ri