Teksa sulmoi hapur Reformën në Drejtësi dhe tha se nuk pret zgjedhje të lira nga kjo drejtësi pasi SPAK sipas tij nuk ka hetuar krimin zgjedhor, presidenti Ilir Meta njoftoi se do të shkojë në të gjithë Shqipërinë dhe nuk do të qëndrojë indiferent deri në 25 prill. Ai përsëriti dhe njëherë se do dorëhiqet më 26 prill nëse fiton PS pa prekur votën.
Këto deklarata presidenti Meta i bëri gjatë një takimi me përfaqësues të shoqërisë civile, ku foli për ecurinë e procesit përgatitor të zgjedhjeve të përgjithshme me qëllim informimin dhe sensibilizimin e qytetarëve për pjesëmarrje masive. Ndërsa theksoi se kushti kryesor për negociatat për integrimin në BE është që këto zgjedhje të jetë të lira dhe të ndershme, Meta theksoi se ne kemi mundësi ti zhvillojmë si Kosova.
“S’jam naiv të pretendoj zgjedhje si në Danimarkë apo në Suedi për momentin të ardhmen pse jo. Por i kemi të gjitha mundësitë si popull si institucione ti ngjajmë Kosovës apo maqedonisë së veriut në zgjedhjet e fundit. Duhet t’i kushtojmë shumë vëmendje informimit të zgjedhësve. Është shumë e rëndësishme t’i ndërgjegjësojmë qytetarët, se në një sistem demokratik, fuqia e tij është vetëm vota e tij. Qytetari që s'voton ska të drjetë të ankohet për keqqeverisje ose ai që e shet votën dhe e shkëmben ka humbur çdo të drejtë llogaridhënie ndaj atij tjetri që i ka ofruar paratë. Kemi nevojë për një bashkërendim në të gjitha drejtimet për të garantuar një proces sa më të mirë për vendin që do mund të kapërcente kryekushtin më të maadh për çeljen e negociatave”, tha Meta.
Nga ky takim Meta iu drejtua SPAK-ut, duke thënë se me “cironkat” e dosjes së Dibrës dhe Shijakut nuk tremben ata që kanë ndërmend të vënë dorë mbi procesin zgjedhor të 25 prillit.
“Çështja e zgjedhjeve është tashmë një çështje e të gjithë shoqërisë, sepse prej saj varet edhe integrimi i Shqipërisë. Vota duhet të jetë njëherë e përgjithmonë e shenjtë dhe e barabartë. Ne do t’i mbështesim të gjitha institucionet të bëjnë detyrën në këtë drejtim, përfshi edhe SPAK-un. Por me “cironkat” e dosjes së Dibrës dhe Shijakut nuk trembet asnjë nga ata që kanë ndërmend të venë dorë mbi procesin zgjedhor”, tha Kreu i Shtetit.
Më tej, Meta iu drejtua me një mesazh dhe qytetarëve, teksa tha se “iu bëj thirrje të gjithë qytetarëve, të votojnë në listën e kandidatëve për deputet, personat më me vlera qytetare, më me integritet dhe më të përkushtuar ndaj komunitetit, që ata besojnë, për t’ju dhënë një mesazh në këtë mënyrë edhe kryetarëve të forcave politike”.
Presidenti Ilir Meta nga takimi me përfaqësues të shoqërisë civile ka deklaruar se nëse PS konfirmohet pa prekur votën, ai do të japë dorën më 26 prill.
“Nëse kjo shumicë konfirmohet pa prekur votën, Presidenti jep dorëheqjen më 26 prill. Të jenë të qartë të gjithë, Presidenti do të shkojë në të gjithë Shqipërinë me këto mesazhe: Qytetarët duhet të ndërgjegjësohen se në demokraci, fuqia e tyre është vota. Ta përdorin votën për të zgjedhur dhe për të ndëshkuar. Ta orientojnë votën e tyre tek kandidatët më me integritet. Për mua ka rëndësi të ringjallet besimi tek demokracia. Presidenti nuk do të fshihet kurrë nga një sfidë e madhe, angazhimi për të ndalur çdo përpjekje që synon të vrasë demokracinë”, tha ai.
Ish-kryetar i KQZ, Kristaq Kume në fjalën e tij në takimin me presidentin Ilir Meta mbi ecurinë e procesit përgatitor të zgjedhjeve të përgjithshme për Kuvendin e Shqipërisë, është shprehur se do të jetë një test i rëndësishëm për demokracinë.
“Ky proces do të jetë një test tepër i rëndësishëm për demokracinë, ndaj të gjithë duhet të angazhohemi për të mbrojtur demokracinë në vendin tonë. Pres që një pjesë e mirë e fenomeneve që atakonin standardet e zgjedhjeve, nuk do të shfaqen, si rezultat i ndryshimit ligjor të realizuar dhe angazhimit tonë të përbashkët. Lidhur me problemet që do shkaktojë pandemia, duhet parë me shumë seriozitet, sa i takon marrjes së masave për të garantuar pjesëmarrjen sa më të lartë të zgjedhësve në proces.
Shoh mundësinë e një keqpërdorimi të votës së emigrantëve. Fakti që nuk është realizuar kjo e drejtë, kjo nuk flet për mirë. Edhe ju z.President i keni bërë thirrje qytetarëve për të trajtuar problemin e kartave të identitetin, që duhet vlerësuar maksimalisht, nëpërmjet një fushate sensibilizuese. Është me rëndësi të angazhohemi të gjithë për të garantuar një proces zgjedhor me standarde, për të mbrojtur çdo votë dhe për të ndaluar qysh sot çdo përpjekje për ta prekur atë”, ka thënë Kume.
Presidenti Ilir Meta ka deklaruar nuk pret që zgjedhje të lira të vijnë nga kjo drejtësi. Këtu shton se drejtësia pas 25 prillit do të çlirohet nga trysnia e politikës, për ta kapur.
“Nuk pres nga drejtësia që të vijnë zgjedhje të lira dhe të ndershme sepse i dimë problemet që ka sistemi i drjetësisë. E dyta nuk do kishte nevojë fare që ta bënim këtë takim bashkë nëse do kishte funsksionuar prokuroria, edhe SPAK.
Dosjet kanë qenë aty. Bundestagu ka 4 vite që kërkon hetimin e zgjedhjeve. Zgjedhjet e shijakut dhe të Dibrës janë bërë shkak i situatës që kemi sot në parlament, nga polarizimi në parlament.
Nga zgjedhjet e lira dhe të ndershme do çlirohet dhe drejtësia nga kjo trysni politike për ta kapur. Vota e tyre do jetë e barabartë me presdientin, me kryeministrin... Do jetë vota e tyre që do vendosë”, tha Meta.
Presidenti Ilir Meta iu bëri thirrje të gjitha partive politike që të mos intimidojnë votuesit në zgjedhjet e 25 prillit.
“Do të jetë vota e qytetarëve që do të vendosë dhe jo parimi stalinist, që s’ka rëndësi kush voton, por numërojmë ne. Kjo punë ka marrë fund njëherë e përgjithmonë. Është detyra jonë të edukojmë të gjithë qytetarët që fuqia e tyre në demokraci është vota e tyre. Vota e tyre zgjedh, vota e tyre ndëshkon, çon përpara demokracinë, e forcon dhe përmirëson atë. Partitë të paraqesin alternativat e tyre dhe jo të intimidojnë votuesit, se kjo është e papranueshme.
Presidenti Meta deklaroi se sipas tij kryeministri Rama u thotë kryetarëve të bashkive se do 800 mijë vota nga ata.
“Ne jemi këtu për shkak të degradimit të zgjedhjeve, të Kushtetutës, të heqjes së kompetencave Presidentit. Presidenti ka qenë shumë i qartë, pavarësisht toneve. Presidenti ka thënë se në qoftë se kjo shumicë konfirmohet fituese pa prekur votën, presidenti jep dorëheqjen në datën 26 prill dhe këtë le ta dinë të gjithë. Unë jam një President që nuk i jam trembur kurrë zgjedhjeve. Kam thënë dhe para dy vitesh se kjo krizë zgjidhet me zgjedhje. Nuk i jam shmangur asnjëherë kësaj sfide, por ama që ti të dhunosh dhe njëherë popullin shqiptar, kushdo qofsh, kjo është një gjë që nuk ka më ku të shkojë e ku të rrijë, sepse e dimë më c’do të thotë të humbasë edhe njëherë mundësinë Shqipëria. Kështu që Presidenti ka thënë, nëse ka dikush merak që ndikon për ish-partinë e tij, ta ndëshkojnë, nëse ajo përpiqet të vërë dorë mbi zgjedhjet.
Të ndëshkojnë ish-partinë e tij. Këtë duhet ta bëjnë edhe vetë kryetarëve e partive të tjera. Për Presidentin ka rëndësi vetëm që vota të jetë e barabartë. Ama nëse kryeministri për fat të keq mbledh kryetarët e bashkive dhe iu thotë publikisht që ‘dua 800 mijë vota nga ju’, këtë nuk e di. Kjo mua nuk më duket e pranueshme. Të tjerët përpiqen ta kthejnë në një problem personal, por nuk është problem personal”, u shpreh Presidenti Meta.
Komente
Lajme të tjera
-
Misioni diplomatik në Bruksel hap dyert për shqiptarët, Rama: Bëhu pjesë e 'Team Albania', kontribuo në anëtarësimin e vendit në BE
27 Nëntor, 16:25 -
Rama: Komisioni antikorrupsion do të jetë i përhershëm, pikë referimi për të gjitha institucionet! Do na garantojë suksesin për anëtarësimin në BE
27 Nëntor, 13:05 -
Sali Berisha lirohet nga 'arresti shtëpiak!' Reagon opozita! Bardhi: Fitore politike e tij! Meta nga burgu: Urime
27 Nëntor, 11:29 -
Suel Çela ndikoi tek Ilir Meta për të rikthyer Pajtime Fetahun në gjyqësor
26 Nëntor, 21:16
-
Siguria në shkolla/Rama njofton planin e masave: Kamera në shkolla dhe kontroll dixhital për çdo mjet metalik në çanta! Konsultime për mbylljen e TikTok dhe SnapChat
26 Nëntor, 13:58 -
Bulqizë/ Rama prezanton projektin transformues të zonës ushtarake: Dibra do kthehet në periferinë e gjelbër të kryeqytetit! Rruga e Arbrit drejt përfundimit, Tuneli i Murrizit pati marrje mësysh
26 Nëntor, 11:14 -
Bazuar në romanin e Ismail Kadaresë, 'Kthimi i Ushtrisë së Vdekur' një tjetër film që i nënshtrohet restaurimit 4K
26 Nëntor, 09:10 -
Politikanët shqiptarë që provuan burgun, arrestimin dhe prangat vitet e fundit! Esencë-Report Tv
25 Nëntor, 20:13
-
Operacioni i SPAK në Elbasan, Ngjela në Report Tv: SPAK në veprim, kriminaliteti i rritur te moshat e vogla! Berisha me regjim burgu, s’ka njerëz për të bërë revolucion
25 Nëntor, 19:01 -
Meta në burg, ‘mobilizon’ partinë më 6 dhjetor në protestë para SPAK! Letër PL: Të ngrihemi kundër narkodrejtësisë
25 Nëntor, 18:56 -
Ylli Pata: Ajo që nuk u pa nga takimi i Edi Ramës në Londër!
25 Nëntor, 18:28
-
Nis puna për ndërtimin e Parkut Urban në Spitallë të Durrësit, Rama: Hapësirë rekreative, gjelbërim, pistë biçikletash dhe terrene sportive për fëmijë
25 Nëntor, 16:07
ti ua paske mbushur mendjen bundestagut me thashetheme filxhani o mavri??? Po bundestagut i tregove videon e Priftit? apo harrove??? ... ik o xhuxhmaxhuxh se s'po te ze karrigia... c'ne se ti je dhe i drejte si bastuni i xha sulos...
Përgjigju