Presidenti Ilir Meta po zhvillon një vizitë zyrtare në Kroaci. Ndërsa mendohet se në takimin me homologen e tij ka prekur edhe temën e Ballist Morinës, për të cilin gjykata kroate ka vendosur ekstradimin në Serbi, por fjalën e fundit do ta thotë ministri i Drejtësisë së Kroacisë.  I kontaktuar nga Report Tv, vëllai i ‘Ballistit’ Xhevahir Morina u shpreh se nuk ka dijeni që Presidenti të ketë negociuar për të bllokuar ekstradimin, ndërsa i bën apel që ta bëjë një gjë të tillë.

Ismail Morina u arrestua në qershor vitit të kaluar në Kroaci, pasi Serbia kishte lëshuar një urdhër arresti për ngjarjen e 14 tetorit 2014 në ndeshjen mes Serbisë dhe Shqipërisë në Beograd ku ngriti dronin. Gjykata Supreme në Kroaci vendosi pro ekstradimit, ndërsa pritet vendimi i ministri të Drejtësisë.

Intervista e vëllait të Ismail Morinës, Xhevahir Morina
Keni dijeni që gjatë vizitës, Meta të ketë diskutuar edhe për cështjen e vëllait tuaj?
Jam njoftuar për vizitën, por nuk kam dijeni që ka negociuar për punën e vëllait

A keni një apel?
Apeloj dhe i kërkoj presidentit që të bëjë hiç më pak se detyrën dhe të negocioj për cështjen e vëllait se është e të gjithë shqiptarëve

Kur keni folur për herë të fundit me Morinën?
Kam folur përmes telefonit. Ka qenë vëllai dje dhe ka komunikuar

Si është gjendja e tij?
Burri është burrë. Moralisht është i fortë, por po vuan një dënim të kotë. Po dalin njerëz me krime të pa shembullta dhe vëllai im është i privuar nga liria

Nga ambasada shqiptare keni informacion, a interesohet?
Po është interesuar. Por për vizitën e Presidentit nuk kam informacion. Unë jam i pakënaqur me interesimin e ambasadës

A keni shpresë nga shteti që do të arrijë të ndalojë ekstradimin drejt Serbisë?
Shpresa kemi shumë, kush mund të bëjë më shumë se shteti...Shpresoj që të bëhet dicka e mirë

dy.b/shqiptarja.com