Meta përfshihet në fushatë, i jep 'hua' këshilltarin e tij Lulzim Bashës për shkrimin e programit

Këshilltari i Ilir Metës, Petraq Milo në prezantimin e programit ekonomik të PD-së

TIRANË- Partia Demokratike prezantoi sot programin e saj ekonomik. I pranishëm në këtë aktivitet mirëfilli politik dhe elektoral ishte edhe Petraq Milo, aktualisht këshilltar për Ekonominë i Presidentit Ilir Meta.

Edhe pse Presidenti duhet të jetë mbi palët dhe këshilltarët e tij të pavarur, kjo nuk e ka penguar Ilir Metën që të dërgojë këshilltarin e tij Milo për të punuar për programin e PD dhe të marrë pjesë hapur në një aktivitet politik.

Një sjellje e tij bie në fakt ndesh dhe me veprimin e bërë pak kohë më parë nga vetë Presidenti. Kujtojmë që Ilir Meta “detyroi” ish-këshilltarin e tij të sigurisë Bahri Shaqiri që të jepte dorëheqjen për t’u angazhuar tek LSI, ndërsa Edmond Panaritin që të linte teserën e partisë së tij për ta emëruar si këshilltar në Presidencë.

Petraq Milo, nga viti 2005 deri në vitin 2013 ka mbajtur pozicionin e Këshilltarit të Berishës për financat publike dhe politikat monetare. Ndërsa nga nëntori i vitit 2019 mban pozicionin e Këshilltarit Ekonomik të Presidentit të Republikës./TemA

Këshilltarët e presidentit Ilir Meta, mes tyre edhe Petraq Milo

B.K./Shqiptarja.com
  • Sondazhi i ditës:

    A mendoni se Rama e Basha do të bëjnë kompromis për të ardhmen e Shqipërisë?

Komento


×

Lajmi i fundit

John

Flakët rrezikuan manastirin e Shën Pjetrit, izolohet zjarri në Vithkuq të Korçës! Digjen 4 hektarë me pisha e shkurre