Meta pret ambasadorin e jordanez:
Forcojmë marrëdhëniet dypalëshe

Kreu i Kuvendit Meta ka pritur sot në një vizitë zyrtare ambasadorin e Jordanisë në Shqipëri Fawwaz Al-Eitan. Meta shprehu një vlerësim për marrëdhëniet shumë të mira mes dy vendeve, shprehu mirënjohjen për pjekurinë e politikës konstruktive që Jordania ndjek në rajonin e Lindjes së Mesme, duke theksuar se Jordania luan një rol shumë të rëndësishëm në funksion të paqes dhe stabilitetit në rajon.

Në këtë kuadër u vlerësua përqasja dhe kontributi i Mbretit të Jordanisë Abdullah II si dhe vëmendja që Madhëria e Tij i kushton forcimit të marrëdhënieve me Shqipërinë.

Ambasadori i Mbretërisë Hashemite të Jordanisë në Shqipëri, z. Fawwaz Al-Eitan shprehu mirënjohjen e tij për zhvillimin e marrëdhënieve dypalëshe dhe rritjen e fluksit të vizitave të nivelit të lartë gjatë viteve të fundit, duke vënë në dukje se Jordania është e gatshme të intensifikojë bashkëpunimin e saj me Shqipërinë në të gjitha fushat me interes reciprok.

Duke vlerësuar rëndësinë e diplomacisë parlamentare në cilësinë e bashkëpunimit dypalësh, Ambasadori Al-Eitan i dorëzoi Kryetarit të Kuvendit të Shqipërisë z. Meta ftesën e Kryetarit të Dhomës së Përfaqësuesve të Jordanisë z. Atef Taraëneh për një vizitë zyrtare në Mbretërinë Hashemite të Jordanisë, ftesë të cilën Kryetari i Kuvendit z. Meta e pranoi me kënaqësi.

Redaksia online
(s.m/shqiptarja.com)