Meta pret ikonën e ‘Partizanit’ në basketboll: Superkampion i viteve 70-80

TIRANË- Presidenti Ilir Meta ka pritur sot në një takim, Edgar Priftin basketbollistin ikonë të ekipit të Partizanit.Përmes një postimi në 'Facebook', Meta shkruan se superkampioni i ka dhuruar një kolazh të veprave të babait të tij Robert Prifti.

I lumtur të takoja basketbollistin ikonë, Edgar Prifti, organizatorin virtuoz të “Partizanit” superkampion të viteve ’70-’80. Edgari më dhuroi një kolazh të veprave të babait të tij, intelektualit dhe shkrimtarit të talentuar Robert Prifti.

Në to përfshihen romane, tregime dhe ese të shkruara në diktaturë, ku padyshim spikat “Syri i Polifemit”. Edgar Prifti, është djali edhe i shkencëtares së shquar shqiptare, zonjës Luigjina Kodheli Prifti, të cilën për kontributin e saj të jashtëzakonshëm për zhvillimin e bujqësisë, pata nderin ta vlerësoja me Titullin e lartë “Mjeshtër i Madh”, shkruan Meta.

LEXO EDHE:
Ambasadori i Rusisë në Tiranë largohet nga Shqipëria, ja kush e zëvendëson

SI.E./Shqiptarja.com

TAG:
• Tirane
• partizani
• Ilir Meta
• Edgar Prifti