Meta: Reforma në drejtësi, thelbësore
për një klime të besueshme biznesi

Reforma në drejtësi ka qenë temë diskutimi mes kryeparlamentarit Ilir Meta dhe presidentit hungarez Janos Ader, gjatë takimit që zhvilluan sot.

Meta tha se procesi i reformës në drejtësi është thelbësor jo vetëm për integrimin evropian të vendit, por edhe për krijimin e një klime më të besueshme biznesi.

Kryetari i Kuvendit u shpreh se Shqipëria mbështetet tek përkrahja dhe eksperienca e Hungarisë në drejtim të integrimit evropian si dhe mirëpret investimet hungareze në vend.

Ndërsa, Ader tha se Hungaria është mbështetëse e procesit të integrimit evropian të Shqipërisë. “Alfa dhe omega e progresit dhe e hapjes së negociatave është reformimi i sistemit të drejtësisë”, u shpreh ai.

Më herët, presidenti hungarez takoi edhe homologun shqiptar Bujar Nishani. Gjatë deklaratës për mediat të dy presidentëve, u bë e ditur edhe krijimi i një linje ajrore Shqipëri-Hungari.

Redaksia Online
(m.b/shqiptarja.com)