POP 5

Lajmet më të lexuara të 5 minutave të fundit

Politikë

Meta: S’ka Shqipëri evropian mbi
themele të politikës konfliktuale

Meta, gjatë një takimi me strukturat e kësaj partie në komunën Ndërmenas në Qarkun Fier, akuzoi opozitën dhe qeverinë se po mbajnë peng integrimin e Shqipërisë në Bashkimin Evropian.
FIER - Kryetari i Lëvizjes Socialiste për Integrim, Ilir Meta, gjatë një takimi me strukturat e kësaj partie në komunën Ndërmenas në Qarkun Fier, i bëri ftesë palëve politike që të garantojnë zgjedhje me standarde.

I shoqëruar nga Sekretari i Përgjithshëm i LSI-së, Luan Rama, në fjalën e tij në këtë takim Meta deklaroi se forcat politika shqiptare duhet të lënë mënjanë taktikat destruktive dhe të garantojnë që zgjedhjet e vitit të ardhshëm të jenë model i shkëlqyer i demokracisë.

“U bëj apel të gjithë forcave politike që të lënë mënjanë taktikat e tyre destruktive dhe të përpiqen për një klimë sa më konstruktive për zgjedhjet e vitit të ardhshëm në mënyrë që zgjedhjet e 23 qershorit të jenë një model i shkëlqyer i demokracisë dhe i qytetërimit evropian i të gjithë qytetarëve shqiptarë. Le të jenë qytetarët e thjeshtë të të gjithë Shqipërisë ata që votë të lirë të përcaktojnë rrugën që duhet të ndjekin të gjithë shqiptarët në 4 vitet e ardhshme. Ne jemi të sigurt se në çdo rast ajo do të jetë rruga e integrimit evropian që është edhe misioni i Lëvizjes Socialiste për Integrim”, tha Meta.

Ndërkaq, Meta akuzoi opozitën dhe qeverinë se po mbajnë peng integrimin e Shqipërisë në Bashkimin Evropian.

“Është për të ardhur keq që konfliktualiteti politik po e ndëshkon vendin në raport me marrjen e statusit të vendit kandidat prej gati tre vitesh” -u shpreh Meta.

/Shqiptarja.com
  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

29 Janar, 23:01