Shqipëria dhe Kosova duhet të funksionojnë si një treg i përbashkët, si shembull i heqjes së barrierave burokratike për të gjithë rajonin.

Kështu ka deklaruar kryetari i Kuvendit Ilir Meta, gjatë një takimi me një përfaqësi të Komisionit Parlamentar për Zhvillim Ekonomik, Infrastrukturë, Tregti dhe Industri të Kuvendit të Kosovës.

Meta, i cili në këtë takim shoqërohej nga Kryetari i Komisionit për Veprimtari Prodhuese, Tregtinë dhe Mjedisin Eduart Shalsi, shprehu mbështetjen e e tij për intensifikimin e shkëmbimeve mes dy komisioneve homologe parlamentare në shërbim të rritjes së fluksit të shkëmbimeve tregtare mes dy vendeve, gjë e cila u konfirmua edhe nga Kryetari i  Komisionit Parlamentar për Zhvillim Ekonomik, Infrastrukturë, Tregti dhe Industri të Kuvendit të Kosovës, Muhamet Mustafa.

Redaksia Online
(u.s/shqiptarja.com)