POP 5

Lajmet më të lexuara të 5 minutave të fundit

Politikë

Meta takohet me Vlahutin: Duhet
dakortësi në Komisionin e posaçëm

Krytari i Kuvendit, Ilir Meta ka bërë apel që palët politike duhet të gjejnë konsensus në mbledhjen që do të mbahet nesër në Komisionin e Posaçëm Parlamentar për Reformën në Drejtësi.
Meta takohet me Vlahutin: Duhet<br />dakortësi në Komisionin e posaçëm
Krytari i Kuvendit, Ilir Meta ka bërë apel që palët politike duhet të gjejnë konsensus në mbledhjen që do të mbahet nesër në Komisionin e Posaçëm Parlamentar për Reformën në Drejtësi.

Gjatë një takimi me Ambasadoren e Bashkimit Europian në Shqipëri, Romana Vlahutin, Meta ka theksuar se realizimi me sukses i këtij procesi është një kontribut madhor për hapjen e shpejtë të negociatave për anëtarësim në Bashkimin Evropian të Shqipërisë.

Meta theksoi se është përgjegjësi e Komisionit të Posaçëm Parlamentar për Reformën në Drejtësi, e të gjitha forcave politike, që në këtë frymë të ndërveprojnë dhe ndërtojnë konsensusin e domosdoshëm përmes gjithëpërfshirjes, me synimin e vetëm kurorëzimin me sukses të saj, në funksion të interesit më të lartë publik, rritjes së besimit te drejtësia dhe institucionet publike, si dhe luftës pa kompromis kundër krimit të organizuar dhe korrupsionit.

Ai vlerësoi rolin e rëndësishëm të ekspertëve të EURALIUS-it, OPDAT-it dhe shqiptarë për kontributin dhe ecurinë e deritanishme të këtij proçesi dhe theksoi se fryma e rekomandimeve të Komisionit të Venecias në vlerësimet e Raportit të Ndërmjetëm duhet të mbizotërojë dhe udhëheqë palët deri në përmbylljen e suksesshme të këtij proçesi madhor dhe historik.

Nga ana tjetër, ai shprehu vlerësimin e tij të lartë për angazhimin dhe kontributin e Bashkimit Evropian, vendeve anëtare, ambasadorëve dhe përfaqësuesve të tyre në Tiranë dhe në veçanti të Ambasadores Vlahutin, për mbështetjen maksimale që i kanë dhënë procesit për hartimin e kësaj reforme me interes jetik për qytetarët dhe vendin, për rritur besimin tek një sistem drejtësie i pavarur, profesional dhe me integritet të lartë.


Redaksia Online
(F.T/shqiptarja.com)
 

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Zgjedhjet në SHBA, mbyllen qendrat e para të votimit

Zgjedhjet në SHBA, mbyllen qendrat e para të votimit

6 Nëntor, 00:16